‘వాల్తేరు వీరయ్య’ సినిమాని తెరకెక్కించిన బాబీ అలియాస్ కేఎస్ రవీంద్ర త్వరలో పవన్ కళ్యాణ్ సినిమాకి దర్శకత్వం వహించబోతున్నాడట. ఇటీవలే పవన్ కళ్యాణ్‌తో బాబీ సమావేశమైనట్లు తెలుస్తోంది. మెగాస్టార్ చిరంజీవికి ‘వాల్తేర్ వీరయ్య’ లాంటి సినిమా ఇచ్చి, చిరంజీవి పూర్వ వైభవాన్ని తిరిగి తీసుకొచ్చిన ఘనత కొట్టేశాడు డైరెక్టర్ బాబీ.
అలాగే, పవన్ కళ్యాణ్‌తోనూ ఓ సినిమా తెరకెక్కించాలన్న తన కోరికను ఇటీవలే పవన్ వద్ద బయట పెట్టాడట. పవన్ కళ్యాణ్ కూడా అందుకు సుముఖంగానే వున్నట్లు తెలుస్తోంది. ఔట్ అండ్ ఔట్ మాస్ ఎంటర్టైనర్‌గా పవన్‌తో సినిమా చేయాలనుకుంటున్నాడట. ఆల్రెడీ స్టోరీ లైన్ కూడా చెప్పి ఓకే చేయించుకున్నాడనీ సమాచారం. పవన్‌ని ఇంప్రెస్ చేసేలా వుందట బాబీ చెప్పిన కథ.
అయితే, వచ్చిన చిక్కల్లా ఒక్కటే. పవన్ కళ్యాణ్ డేట్స్ అడ్జస్ట్ చేయడమే. అదే కష్టమవుతుందని పవన్ కళ్యాణ్ చెప్పారట. ఓ 40 రోజులు డేట్స్ అడ్జస్ట్ చేస్తే సినిమా పూర్తి చేసెయ్యగలనని బాబీ చెప్పాడని అంటున్నారు. ఓ ప్రముఖ నిర్మాణ సంస్థ ఈ కాంబినేషన్‌ని తెరకెక్కించే అవకాశాలున్నాయి. అన్నీ సెట్ అయితే, ఈ నెలలోనే ఈ ప్రాజెక్టుపై స్పష్టత రాబోతోందిట.