మెగాస్టార్ చిరంజీవి ప్రస్తుతం వరుస సినిమాలతో ఎంత బిజీగా ఉన్నారు. మెగాస్టార్ సెకండ్ ఇన్నింగ్స్ ప్రారంభించిన తర్వాత నేటి హీరోలకు ధీటుగా సినిమాలకు గ్రీన్ సిగ్నల్ ఇస్తున్నారు. ఈ క్రమంలోనే కొరటాల శివ దర్శకత్వంలో ఆచార్య సినిమా షూటింగ్ పూర్తి చేసుకుని విడుదలకు సిద్ధంగా ఉంది. ఈ సినిమా అనంతరం మెగాస్టార్ చిరంజీవి గాడ్ ఫాదర్, భోళా శంకర్ సినిమా షూటింగులతో బిజీగా ఉన్నారు. ఈ సినిమాలు మాత్రమే కాకుండా బాబీ దర్శకత్వంలో మరో సినిమాకు కూడా గ్రీన్ సిగ్నల్ ఇచ్చారు.
ఇన్ని సినిమాలు లైన్ లో ఉండగా తాజాగా డైరెక్టర్ వెంకీ కుడుముల మెగాస్టార్ కి కథను చెప్పినట్లు సమాచారం. ఈ క్రమంలోనే ఈ సినిమాకి మెగాస్టార్ ఓకే చెప్పినట్లు తెలుస్తోంది. అయితే ప్రస్తుతం మెగాస్టార్ చేస్తున్న సినిమాలన్ని పూర్తి అయిన తరువాత ఈ సినిమాని వచ్చే ఏడాది చివర్లో ప్రారంభిస్తున్నట్లు తెలుస్తోంది. ఇకపోతే తాజాగా ఈ చిత్రంలో మెగాస్టార్ చిరంజీవి సరసన నటించడం కోసం హీరోయిన్ రష్మికను ఎంపిక చేయనున్నట్లు తెలుస్తోంది.
ఈ క్రమంలోనే ఈ విషయం సోషల్ మీడియాలో తెలియడంతో నెటిజన్లు వివిధ రకాలుగా స్పందిస్తున్నారు. ఇలా పలువురు నెటిజన్లు ఈ విషయంపై స్పందిస్తూ కూతురు వయసులో ఉన్న రష్మిక తో సినిమా ఏంటి బాసు అంటూ ఇతని పై దారుణంగా కామెంట్లు చేస్తున్నారు. చిత్ర బృందం నుంచి ఏ విధమైన ఎటువంటి అధికారిక ప్రకటన లేకుండానే నెటిజన్లు ఇలా స్పందించడం గమనార్హం. ఒకవేళ ఇదే కనుక నిజమైతే అధికారిక ప్రకటన వస్తే పరిస్థితి ఎలా ఉంటుందో తెలియాల్సి ఉంది.