విజయ్ దేవరకొండ – డేరింగ్ డైరెక్టర్ పూరీ జగన్నాథ్ కాంబినేషన్ లో రూపొందుతోన్న చిత్రానికి ”లైగర్” అనే టైటిల్ ఖరారు చేసిన సంగతి తెలిసిందే. ఈ సందర్భంగా విడుదల చేసిన ‘లైగర్’ ఫస్ట్ లుక్ కు అమేజింగ్ రెస్పాన్స్ వచ్చింది. ఫస్ట్ లుక్ చూసి వీడీ ఫ్యాన్స్ కేకులు కట్ చేయడంతో పాటు ‘లైగర్’ అని టాటూస్ వేసుకుంటూ రచ్చ చేస్తున్నారు. మొదట ఈ సినిమా కు టైటిల్ ఫైటర్ అంటూ ప్రచారం జరిగింది. కాని చివరికి ‘లైగర్’ అని అఫిషియల్‌ గా ఖరారు చేశారు.
విజయ్ దేవరకొండ నటిస్తున్న మొదటి పాన్ ఇండియా మూవీ. బాలీవుడ్ హీరోయిన్‌ అనన్య పాండే ఈ చిత్రంలో విజయ్ కు జోడీగా నటిస్తున్న విషయం తెల్సిందే. బాలీవుడ్ అగ్ర నిర్మాతల్లో ఒకరైన ‘కరణ్‌ జోహార్’ కూడా ఈ సినిమా నిర్మాణంలో భాగస్వామిగా ఉండడంతో బాలీవుడ్ లో కూడా ఈ సినిమా మీద అంచనాలు బాగానే ఉన్నాయి. ప్రస్తుతం లైగర్ సినిమా బడ్జెట్ విషయంలో ఫిలిం నగర్ నుండి అందిన సమాచారం ప్రకారం డైరెక్టర్ పూరి జగన్నాథ్ ఈ సినిమాకు ఏకంగా వంద కోట్లు పైనే ఖర్చు పెటిస్తున్నట్లుగా తెలుస్తోంది.
ఈ మూవీలో హాలీవుడ్ రేంజ్ యాక్షన్ సీక్వెన్స్ ఉన్నాయట. హాలీవుడ్ ఫైట్ మాస్టర్స్ , ఫైటర్స్ మరియు పెద్ద ఎత్తున ఫారిన్ షెడ్యూల్స్ ఉన్న కారణంగా ఈ రేంజ్ లో ఖర్చు అవుతుందని అంటున్నారు. అయితే విజయ్ దేవరకొండపై ఈ రేంజ్ బడ్జెట్ పెట్టడం అంటే చాలా పెద్ద రిస్క్‌ అంటూ ఇండస్ట్రీ వర్గాల వారు అంటున్నారు. సూపర్‌ హిట్‌ అయినా కూడా ఆ రేంజ్ వసూళ్లు రావని కొందరు అంటున్నారు. మా రౌడీకి పాన్ ఇండియా లెవెల్ లో ఉన్న ఫాలోయింగ్ మీకు తెలియట్లేదు,ఈ బడ్జెట్ ఈజీ టాస్క్ అని విజయ్ అభిమానులు కౌంటర్ ఇస్తున్నారు.