Kingdom Collections: టాలీవుడ్ రౌడీ హీరో విజయ్ దేవరకొండ నటించిన లేటెస్ట్ మూవీ కింగ్డమ్. ఈ సినిమా ఇటీవల జూలై 31వ తేదీన థియేటర్లలో గ్రాండ్ గా విడుదలైన విషయం తెలిసిందే. గౌతమ్ తిన్ననూరి దర్శకత్వం వహించిన ఈ సినిమా గ్రాండ్ గా విడుదల అయ్యి సూపర్ హిట్గా నిలిచింది. ఈ సినిమాకు మంచి ఓపెనింగ్స్ వచ్చాయి. మొదటి రోజు కింగ్డమ్ సినిమా 39 కోట్ల వరకు గ్రాస్ కలెక్షన్స్ వసూలు చేసింది.
రెండు రోజులకు గాను దాదాపుగా 53 కోట్ల కలెక్షన్స్ ని సాధించింది. ఇది ఇలా ఉంటే తాజాగా చిత్ర బృందం కింగ్డమ్ సినిమా 3 రోజుల కలెక్షన్స్ ని ప్రకటించారు. ఈ సినిమా మూడు రోజుల్లో ప్రపంచవ్యాప్తంగా 67 కోట్ల గ్రాస్ కలెక్షన్స్ ని వసూలు చేసినట్టు అధికారికంగా ప్రకటించారు. కాగా ఈ సినిమాకు 53 కోట్ల థియేటరికల్ బిజినెస్ జరిగినట్టు సమాచారం. అంటే దాదాపుగా 110 కోట్ల గ్రాస్ కలెక్ట్ చేయాలి.
నేడు ఆదివారం వచ్చే వారం ఏ సినిమాలు లేకపోవడంతో కింగ్డమ్ కి కలిసి వచ్చి ఈజీగానే బ్రేక్ ఈవెన్ అయిపోతుందని తెలుస్తోంది. ప్రస్తుతం ప్రేక్షకుల నుంచి ఈ సినిమాకు పాజిటివ్ గానే రెస్పాన్స్ వస్తోంది. రోజురోజుకీ ఈ సినిమాను చూసే వారి సంఖ్య అంతకంతకు పెరుగుతూనే ఉంది. వచ్చే వారం మరే సినిమాలు లైన్ లో లేకపోవడంతో ఈ సినిమా మరిన్ని ఎక్కువ కలెక్షన్లు సాధించవచ్చు అని మూవీ మేకర్స్ అంచనా వేస్తున్నారు. వచ్చే వారంలో శుక్రవారం నుంచి ఆదివారం వరకు వరుసగా సెలవులు ఉన్నాయి. దాంతో వీకెండ్ లో మరిన్ని కలెక్షన్లు సాధించే అవకాశం ఉన్నట్టు తెలుస్తోంది.
Kingdom Collections: కలెక్షన్ ల వర్షం కురిపిస్తున్న కింగ్డమ్ మూవీ.. మూడవ రోజు కలెక్షన్ ల వివరాలివే!
