Gallery

Home News అనూహ్యం.. తెలంగాణలో కరోనా కేసులు తగ్గిపోతున్నాయ్

అనూహ్యం.. తెలంగాణలో కరోనా కేసులు తగ్గిపోతున్నాయ్

Covid 19 Positive Cases In Telangana

నిజంగానే తెలంగాణలో కరోనా అదుపులోకి వచ్చేస్తోందా.? రాష్ట్ర ప్రభుత్వం విడుదల చేస్తోన్న అధికారిక లెక్కల ప్రకారం అయితే, రాష్ట్రంలో కరోనా తీవ్రత క్రమంగా తగ్గుతున్నట్లే భావించాలి. కానీ, అదెలా సాధ్యం.? ఏమో, ఇదే ఇప్పుడెవరికీ అర్థం కావడంలేదు. తాజాగా తెలంగాణ రాష్ట్రంలో నమోదైన కరోనా పాజిటివ్ కేసుల సంఖ్య దాదాపు 5 వేలు మాత్రమే. కరోనా టెస్టుల సంఖ్య 70 వేల లోపే వుంది.

అదేంటీ, కొన్నాళ్ళ క్రితం లక్షా ముప్ఫయ్ వేల దాకా కరోనా టెస్టులు చేసిన తెలంగాణ, ఎందుకిలా అనూహ్యంగా టెస్టుల సంఖ్య తగ్గించేసింది.? అన్న ప్రశ్నకు ప్రభుత్వం నుంచి సరైన సమాధానం రావడంలేదు. టెస్టుల సంఖ్య పెంచాలంటూ హైకోర్టు పదే పదే హెచ్చరిస్తన్నా, తెలంగాణ ప్రభుత్వం ఆ దిశగా ఫోకస్ పెట్టలేకపోతోంది. టెస్టింగ్ అలాగే ట్రేసింగ్.. వీటితోపాటు ట్రీట్మెంట్ చాలా ముఖ్యం కరోనా విషయంలో. ఎన్ని ఎక్కువ టెస్టులు చేస్తే, అంత బాగా కరోనా వైరస్ జాడని కనుగొనవచ్చు, ట్రేసింగ్ ద్వారా కరోనా వ్యాప్తిని అరికట్టడానికి వీలవుతుంది. పొరుగు రాష్ట్రాలు రికార్డు స్థాయిలో కరోనా టెస్టులు చేస్తున్నాయి. అక్కడ పాజిటివిటీ రేటు కూడా చాలా ఎక్కువగా వుంది. ఆయా రాష్ట్రాల నుంచి తెలంగాణకు నిత్యం వస్తున్నవారి సంఖ్య ఎక్కువగానే వున్నప్పుడు, తెలంగాణలోనూ పాజిటివిటీ ఎక్కువే వుండాలి కదా.? అన్న ప్రశ్న కొందరిలో కలగడం సహజమే. ఈటెల రాజేందర్ వైద్య ఆరోగ్య శాఖ మంత్రి పదవి నుంచి తొలగింపబడ్డాక, తెలంగాణలో కరోనా వ్యవహారాలపై కొంత సందిగ్ధం నెలకొందన్న చర్చ సర్వత్రా జరుగుతోంది. అయితే, ముఖ్యమంత్రి కేసీఆర్ స్వయంగా ఆ శాఖను పర్యవేక్షిస్తున్న దరిమిలా ఎవరూ భయపడాల్సిన పనిలేదని తెలంగాణ ప్రభుత్వం చెబుతోంది. ప్రజల్లో మాత్రం టెస్టులు ఎక్కువ జరగకపోవడం, వ్యాక్సినేషన్ సరిగ్గా జరగకపోవడంతో ఆందోళన పెరిగిపోతోంది.

- Advertisement -

Related Posts

Sonu Sood: ఐఫోన్ అడిగిన నెటిజన్..! దిమ్మతిరిగే రిప్లై ఇచ్చిన సోనూసూద్

Sonu Sood: గతేడాది కరోనా సమయంలో మొదలైన సోనూసూద్ దాతృత్వం ఇప్పటికీ.. సెకండ్ వేవ్ లో కూడా కొనసాగుతూనే ఉంది. కాలినడకన పయనమైన వలస కూలీలను బస్సుల్లో స్వస్థలాలకు చేరవేయడమే కాదు.. తన...

Biscuit Packet: రిమోట్ కారు ఆర్డరిస్తే.. బిస్కట్ ప్యాకెట్ వచ్చింది..! కస్టమర్ ఏం చేశాడంటే..

Biscuit Packet: ప్రస్తుతం అంతా ఆన్ లైన్ యుగం. టిఫిన్, భోజనం, నిత్యావసరాలు, దుస్తులు, ఇంట్లో టీవీ, వంటింట్లో ఫ్రిజ్, బాత్ రూమ్ లో గ్రీజర్, బెడ్ రూమ్ లో మంచం, హాల్లో...

తెలుగు రాష్ట్రాల మధ్య నీటి యుద్ధం.. పార్టీల మధ్యనా.? ప్రభుత్వాల మధ్యనా.?

ఆంధ్రపదేశ్, తెలంగాణ రాష్ట్రాల మధ్య నీటి యుద్ధం ఇంకోసారి భగ్గుమంది. రాజకీయ నాయకులు మాట మీద అదుపు కోల్పోతున్నారు. తెలంగాణ నుంచే దూకుడుగా అనవసరపు మాటలు వస్తున్నాయి. ఆంధ్రపదేశ్ నుంచి కాస్త సంయమనమే...

Latest News