‘మక్కల్ సెల్వన్ విజయ్ సేతుపతి’ తమిళనాడులోనే కాదు దేశంలోనే ఈ జెనరేషన్ అత్యుత్తమ నటుల్లో ఒకడుగా గుర్తింపు పొందాడు . ఇంతింతై వటుడింతై అన్నట్లుగా షార్ట్ ఫిలిమ్స్ నుండి ఒక్కో మెట్టు ఎదుగుతూ ఎటువంటి బ్యాక్ గ్రౌండ్ సపోర్ట్ లేకుండా టాప్ లిస్ట్ లో కి చేరాడు.సేతుపతి ప్రస్తుతం లోకేష్ కనగరాజ్ దర్శకత్వంలో తలపతి విజయ్ హీరోగా వస్తున్న “మాస్టర్ ” చిత్రంలో విలన్ గా ప్రేక్షకుల ముందుకు వస్తున్నాడు.తమిళ్ లో ఆయన వరసగా మమనిథన్, యతుమ్ యురే యవరుమ్ కెలిర్ మరియు తుగ్లక్ దర్బార్ వంటి చిత్రాలు కూడా చేస్తున్నాడు. ఈ నటుడు తెలుగులో మెగా హీరో వైష్ణవ తేజ్ తొలి చిత్రం ‘ఉప్పెన’లో విలన్ గా నటించాడు.
ఇప్పుడు సేతుపతి చూపు బాలీవుడ్పై పడింది. ఒకే సారి రెండు హిందీ చిత్రాలు చేస్తున్నారు. లోకేశ్ కనగరాజ్ దర్శకత్వం వహించిన ‘మానగరం’ చిత్రానికి హిందీ రీమేక్గా సంతోష్ శివన్ తెరకెక్కిస్తోన్న ‘ముంబైకర్’ చిత్రంతో పాటు ‘అంధాధున్’ ఫేం శ్రీరామ్ రాఘవన్ దర్శకత్వంలో మరో బాలీవుడ్ చిత్రం చేస్తున్నారు. ఈ సినిమాలో సేతుపతి సరసన కథానాయిక కత్రినా కైఫ్ నటిస్తున్నట్టు బాలీవుడ్ సమాచారం. ఇందులో హీరోయిన్ పాత్రకు కత్రినా కైఫ్ అయితే బాగుంటుందని భావించి దర్శకుడు ఆమెను ఎంపికచేశారట. ఈ విషయాన్ని త్వరలోనే అధికారికంగా ప్రకటించే అవకాశం ఉంది. కత్రినా కైఫ్ ప్రస్తుతం అక్షయ్ కుమార్తో ‘సూర్యవంశీ’, సిద్ధాంత్ చతుర్వేదితో ‘ఫోన్బూత్’ చిత్రం చేస్తున్నారు.