నేటి జీవనశైలిలో తెల్లజుట్టు సమస్య వయసుతో సంబంధం లేకుండా చాలామందిని వేధిస్తోంది. చిన్న వయసులోనే జుట్టు బూడిద రంగులోకి మారిపోతుండటంతో, చాలా మంది హెయిర్ డైలు, కెమికల్స్, హెన్నా లాంటి వాటి వైపు మొగ్గు చూపుతున్నారు. అయితే ఇవి తాత్కాలిక ఫలితాలు ఇవ్వడమే కాకుండా, కొన్నిసార్లు జుట్టు ఆరోగ్యాన్ని మరింత దెబ్బతీసే ప్రమాదం కూడా ఉందని నిపుణులు చెబుతున్నారు.
ఈ క్రమంలో ఇప్పుడు ఇంట్లోనే సులభంగా దొరికే వంటగది పదార్థాలతో తెల్లజుట్టు నల్లగా మార్చుకోవచ్చనే చిట్కా ఆసక్తిని రేపుతోంది. ముఖ్యంగా నిమ్మరసం మరియు జామ ఆకుల పొడి కలయిక జుట్టు రంగును మెరుగుపరచడంలో సహాయపడుతుందని ఆయుర్వేదంలో పేర్కొనబడింది. ఎలాంటి కెమికల్స్ అవసరం లేకుండా సహజ పద్ధతిలో జుట్టును సంరక్షించుకోవచ్చని ఆయుర్వేద నిపుణులు సూచిస్తున్నారు.
నిమ్మరసంలో సహజంగా ఉండే పోషకాలు తల చర్మాన్ని శుభ్రపరచడంతో పాటు జుట్టు రూట్స్ను బలపరుస్తాయి. అదే సమయంలో జామ ఆకుల్లో ఉండే యాంటీఆక్సిడెంట్లు, పోషక గుణాలు జుట్టుకు సహజమైన నల్లదనాన్ని తిరిగి తీసుకురావడంలో దోహదపడతాయని చెబుతున్నారు. ఈ రెండు పదార్థాలు కలిసి పనిచేసినప్పుడు తెల్లజుట్టుపై ప్రభావం మరింత స్పష్టంగా కనిపిస్తుందన్నది ఆయుర్వేద అభిప్రాయం.
ఈ చిట్కాను ఉపయోగించాలంటే ముందుగా జామ ఆకులను నీడలో ఎండబెట్టి మెత్తగా పొడి చేసుకోవాలి. ఆ పొడిని తీసుకుని అందులో అవసరమైన మోతాదులో నిమ్మరసం కలిపి పేస్ట్లా తయారు చేయాలి. ఈ మిశ్రమాన్ని జుట్టుకు మరియు తల చర్మానికి బాగా అప్లై చేసి సుమారు రెండు గంటల పాటు అలాగే ఉంచడం మంచిది.
తర్వాత గోరువెచ్చని నీటితో లేదా తేలికపాటి హెర్బల్ షాంపూతో జుట్టును కడిగేయాలి. ఇలా చేయడం వల్ల జుట్టు సహజంగా మెరుస్తూ కనిపించడమే కాకుండా, బూడిద రంగు క్రమంగా తగ్గుతుందని చెబుతున్నారు. ముఖ్యంగా వారానికి ఒకసారి క్రమం తప్పకుండా ఈ విధానాన్ని పాటిస్తే మంచి ఫలితాలు కనిపించే అవకాశం ఉందని ఆయుర్వేద నిపుణులు అభిప్రాయపడుతున్నారు.
అయితే ప్రతి ఒక్కరి శరీర స్వభావం వేర్వేరు కావడంతో ఫలితాలు వ్యక్తి వ్యక్తికి భిన్నంగా ఉండవచ్చని నిపుణులు హెచ్చరిస్తున్నారు. అందుకే ఎలాంటి సహజ చిట్కాలను పాటించినా, ముందుగా వైద్య నిపుణుల సలహా తీసుకోవడం మంచిదని సూచిస్తున్నారు. పైన పేర్కొన్న సమాచారం కొన్ని ఆయుర్వేద నివేదికలు, సంప్రదాయ నమ్మకాల ఆధారంగా రూపొందించబడింది. దీనిని పాటించే ముందు సంబంధిత వైద్య నిపుణుడిని సంప్రదించడం మేలు. ఈ సమాచారం ను తెలుగు రాజ్యం ధ్రువీకరించడం లేదు.