బాలీవుడ్ టాలెంటెడ్ హీరోయిన్ అనే కాకుండా కాంట్రవర్సీ క్వీన్ అని తనకంటూ ఒక ప్రత్యేకమైన క్రేజ్ అందుకున్న బ్యూటీ కంగనా రనౌత్. ఈ సీనియర్ హీరోయిన్ ఎలాంటి సినిమా చేసినా కూడా బ్యాక్ గ్రౌండ్ లో ఎదో ఒక వివాదం క్రియేట్ అవుతూనే ఉంటుంది. ఇక ఆమె ఎంచుకునే కథలు కూడా కాంట్రవర్సీకి దగ్గరగానే ఉంటాయి.
అసలు మ్యాటర్ లోకి వస్తే మనికర్ణిక: ద క్వీన్ ఆఫ్ ఝాన్సీ సినిమాతో మంచి సక్సెస్ అందుకున్న కంగనా రనౌత్ ఆ సినిమాను క్రిష్ తో పాటు ఆమె కూడా కొంత డైరెక్ట్ చేసిన విషయం తెలిసిందే. ఇక ఇప్పుడు అదే తరహాలో మరో బయోపిక్ ను తెరపైకి తేవడానికి సిద్ధమైంది. అయితే ఈ సారి కంగనా తన సొంత డైరెక్షన్ లోనే సినిమాను తెరకెక్కించబోతోంది.
కాశ్మీర్ మహారాణి దిడ్డా జీవిత ఆధారంగా తెరకెక్కించబోతున్న ఆ సినిమాకు ‘మణికర్ణిక రిటర్న్స్: ద లెజెండ్ ఆఫ్ దిబ్బ’ అనే టైటిల్ ను ఫిక్స్ చేశారు. ఇక ఈ సినిమాను మణికర్ణిక నిర్మాత కమల్ జైన్ భారీ బడ్జెట్ తో నిర్మించడానికి గ్రీన్ సిగ్నల్ ఇచ్చారు. మరి మణికర్ణిక డీసెంట్ బాక్సాఫీస్ హిట్ అందుకున్న ఈ సీనియర్ స్టార్ హీరోయిన్ ఈ హిస్టారికల్ సినిమాతో ఎంతవరకు సక్సెస్ అందుకుంటుందో చూడాలి.