ఈటీవీలో ప్రసారం అవుతున్న జబర్దస్త్ కామెడీ షో కి ఉన్న క్రేజీ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. గత తొమ్మిది సంవత్సరాలుగా ప్రసారమవుతున్న ఈ షో కామెడీతో ప్రేక్షకులని బాగా ఆకట్టుకుంటుంది. ఈ షో ద్వారా ఎంతోమంది కమెడియన్లుగా బాగా పాపులర్ అయ్యారు. జబర్దస్త్ ప్రారంభించిన మొదటి రోజుల్లో కేవలం మగవారు మాత్రమే జబర్దస్త్ లో సందడి చేసేవారు. లేడీ గెటప్ కూడా మగవాళ్ళ చేత వేయించేవారు. కానీ ఇప్పుడు జబర్దస్త్ లో పరిస్థితులు పూర్తిగా మారిపోయాయి. జబర్దస్త్ లో లేడీ గెటప్ కి డిమాండ్ తగ్గి లేడీ కమెడియన్స్ కి డిమాండ్ పెరిగింది.
ఇలా జబర్దస్త్ లో లేడీ కమెడియన్ గా గుర్తింపు పొందిన రోహిణి గురించి ప్రత్యేకంగా పరిచయం చేయాల్సిన అవసరం లేదు. బుల్లితెర సీరియల్స్ లో నటించిన రోహిణి ఆ తర్వాత జబర్దస్త్ లో సందడి చేస్తూ జబర్దస్త్ రోహిణిగా పాపులర్ అయింది. జబర్దస్త్ చరిత్రలో మొట్టమొదటి లేడీ టీం లీడర్ గారు రోహిణి గుర్తింపు పొందింది. ఇలా జబర్దస్త్ లో మాత్రమే కాకుండా మా టీవీ, జీ తెలుగు చానల్స్ లో ప్రసారం అవుతున్న టీవీ షోలలో కూడా రోహిణి సందడి చేస్తూ ప్రేక్షకులను బాగా ఆకట్టుకుంటుంది. ఇదిలా ఉండగా జబర్దస్త్ లో రోహిణి అందుకునే రెమ్యూనరేషన్ గురించి ఇప్పుడు సోషల్ మీడియాలో చర్చ జరుగుతుంది.
సోషల్ మీడియా వర్గాల నుండి అందుతున్న సమాచారం ప్రకారం జబర్దస్త్ లో ఇతర టీం లీడర్లతో పోలిస్తే రోహిణి చాలా తక్కువ రెమ్యూనరేషన్ తీసుకుంటున్నట్లు సమాచారం. రోహిణి ఈటీవీ తో పాటు ఇతర చానల్స్ లో కూడా కనిపిస్తుండటం వల్ల జబర్దస్త్ లో తక్కువ రెమ్యూనరేషన్ కి ఆమె స్కిట్లు చేస్తున్నట్లు వార్తలు వినిపిస్తున్నాయి. జబర్దస్త్ టీం లీడర్ గా మల్లెమాల నుండి రోహిణి అందుకునే రెమ్యూనరేషన్ మొత్తం తన టీం మెంబర్స్ కి పంచుతున్నట్లు తెలుస్తోంది ఇలా జబర్దస్త్ ద్వారా రోహిణికి ఒక్క రూపాయి కూడా ఆదాయం లేదని సమాచారం. అయితే ఈ వార్తలలో ఎంతవరకు నిజం ఉందో తెలియాలంటే రోహిణి స్పందించాల్సి ఉంటుంది.