మాజీ మంత్రి, వైసీపీ మహిళా నేత ఆర్కే రోజాపై ఆంధ్రప్రదేశ్ రాష్ట్ర పర్యాటక శాఖ మంత్రి కందుల దుర్గేశ్ తీవ్రస్థాయిలో విరుచుకుపడ్డారు. జనసేన అధినేత పవన్ కల్యాణ్ను విమర్శించే ముందు రోజా ఆత్మపరిశీలన చేసుకోవాలని ఆయన హితవు పలికారు. పవన్ కల్యాణ్పై రోజా చేసిన వ్యాఖ్యలకు కౌంటర్ ఇస్తూ, ఆమె నైతికతను, గతంలో మంత్రిగా ఆమె పనితీరును దుర్గేశ్ సూటిగా ప్రశ్నించారు.
YSRCP Leader RK Roja: పవన్ కల్యాణ్పై రోజా ఫైర్: ప్రజలు ఓటేసినందుకు సిగ్గుపడుతున్నారు!
ఈ సందర్భంగా మంత్రి కందుల దుర్గేశ్ మాట్లాడుతూ, “జబర్దస్త్ లాంటి కామెడీ షోలలో విన్యాసాలు చేసిన మీకు, ప్రజా సమస్యలపై పోరాడుతున్న పవన్ కల్యాణ్ గురించి మాట్లాడే అర్హత ఉందా?” అని నిలదీశారు. గత ప్రభుత్వంలో పర్యాటక శాఖ మంత్రిగా పనిచేసిన రోజా, ఆ శాఖ అభివృద్ధికి ఏం చేశారో చెప్పాలని ఆయన డిమాండ్ చేశారు. కేవలం విమర్శలు చేయడం తప్ప, ఆమె హయాంలో ఎలాంటి అభివృద్ధి పనులు జరగలేదని దుర్గేశ్ ఆరోపించారు.
పవన్ కల్యాణ్కు, రోజాకు పోలికే లేదని దుర్గేశ్ ఘాటుగా వ్యాఖ్యానించారు. “పవన్ కల్యాణ్కు సినిమాలు మాత్రమే ఉన్నాయి, కానీ మీకు కబ్జాలు, దొంగ వ్యాపారాలు ఉన్నాయి” అంటూ సంచలన ఆరోపణలు చేశారు. ప్రజా సమస్యల పరిష్కారం కోసం పవన్ కల్యాణ్ ఎన్నడూ అలసత్వం చూపలేదని, ఆయన నిబద్ధతను ప్రశ్నించే హక్కు రోజాకు లేదని స్పష్టం చేశారు. రాజకీయ విమర్శలు చేసే ముందు, మంత్రిగా తన హయాంలో జరిగిన అభివృద్ధిపై రోజా సమాధానం చెప్పాలని దుర్గేశ్ సవాల్ విసిరారు. ఈ వ్యాఖ్యలు రాష్ట్ర రాజకీయాల్లో చర్చనీయాంశమయ్యాయి.
