Mahesh Babu: టాలీవుడ్ హీరో సూపర్ స్టార్ మహేష్ బాబు గురించి మనందరికీ తెలిసిందే. మహేష్ బాబు చివరగా గుంటూరు కారం సినిమాతో ప్రేక్షకులను పలకరించారు. భారీ అంచనాల నడుమ విడుదలైన ఈ సినిమా మిక్స్డ్ టాక్ ని తెచ్చుకుంది ఇకపోతే మహేష్ బాబు తన నెక్స్ట్ సినిమాను రాజమౌళి దర్శకత్వంలో చేయబోతున్న విషయం తెలిసిందే. అందుకు సంబంధించిన ఏర్పాట్లు కూడా ముమ్మరంగా సాగుతున్నాయి. రాజమౌళి ఈ సినిమాను తెరకెక్కించే పనుల్లో భాగంగా బిజీ బిజీగా ఉన్నారు.
అందులో భాగంగానే ఇప్పటికే రైటింగ్ పార్ట్ పూర్తి చేసి లొకేషన్స్ వేటలో పడ్డారు. ఇటీవలే కెన్యా నుంచి పలు లొకేషన్స్ ని తన సోషల్ మీడియాలో పోస్ట్ చేసిన విషయం తెలిసిందే. ఇక మహేష్ బాబు కూడా ఈ సినిమా కోసం లుక్స్, బాడీ పరంగా సిద్దమవుతున్నాడు. ఈ క్రమంలో గత కొన్ని రోజులుగా మహేష్ బయట కనిపిస్తే ఫుల్ జుట్టు, గడ్డంతో కనిపించారు. దీంతో రాజమౌళి సినిమా లుక్ కోసం ఇలా పెంచుతున్నాడు అని టాక్ వచ్చింది. కానీ తాజాగా మహేష్ బాబు లుక్ చూసిన అభిమానులు ఒకింత ఆశ్చర్యం వ్యక్తం చేస్తున్నారు. తాజాగా మహేష్ బాబు కీరవాణి కొడుకు శ్రీ సింహ ప్రీ వెడ్డింగ్ ఈవెంట్ కు హాజరయ్యాడు.
ఈ ఈవెంట్ కు రాజమౌళి కూడా వచ్చారు. ఈ ఈవెంట్ నుంచి మహేష్ బాబు ఫోటో ఒకటి లీక్ అయింది. అయితే ఇన్ని రోజులు ఫుల్ గడ్డంతో కనపడిన మహేష్ ఈ ఫొటోలో అసలు గడ్డం లేదు. హెయిర్ స్టైల్ కూడా కొంచెం ఛేంజ్ చేసారు. ఈ ఫోటో కాస్త సోషల్ మీడియాలో వైరల్ అవ్వడంతో అనేక రకాల అనుమానాలు వ్యక్తం అవుతున్నాయి. ఇన్నాళ్లు గడ్డం పెంచింది రాజమౌళి ప్రాజెక్టు కోసం కాదా, ఇప్పుడు గడ్డం ఎందుకు తీసేసారు. రాజమౌళి ప్రాజెక్టు ని పక్కన పెట్టేశారా? అసలు గడ్డం ఎందుకు పెంచుకున్నారు ఎందుకు తీసేసారు లాంటి అనేక రకాల ప్రశ్నలు తలెత్తుతున్నాయి. మరి ఈ విషయంపై ఎలాంటి క్లారిటీ వస్తుందో చూడాలి మరి.