మొత్తానికి పుష్ప 2 ట్రైలర్ రిలీజ్ అవుతూనే పెద్ద ప్రభంజనం సృష్టించింది. ట్రైలర్ చూసి సామాన్య ప్రేక్షకులే కాకుండా సినీ ప్రముఖుల సైతం సోషల్ మీడియా వేదికగా ట్రైలర్ పై ప్రశంసల వర్షం కురిపిస్తున్నారు. సుకుమార్ ఇందులో చాలా పవర్ఫుల్ ఎలిమెంట్స్ ని పెట్టినట్లు ట్రైలర్ చూసిన ప్రతి ఒక్కరికి అర్థమవుతుంది. ఈ ట్రైలర్ లో హీరో హీరోయిన్లతో పాటు మరో క్యారెక్టర్ లుక్ అందరినీ అట్రాక్ట్ చేసింది.
అదే కే జి ఎఫ్ యాక్టర్ తారక్ పొన్నప్ప అరగుండు, మెడలో చెప్పుల దండతో కనిపించిన లుక్. ఈ బిట్టు ట్రైలర్లో కొన్ని సెకండ్స్ మాత్రమే ఉంటుంది కానీ అందరి దృష్టిని ఒక రేంజ్ లో ఆకర్షించింది. గెటప్ చూసిన ప్రేక్షకులు డైరెక్టర్ సుకుమార్ ప్లానింగ్ ఏమిటో తెలియక క్యూరియాసిటీ ఫీల్ అవుతున్నారు. ఈ క్యారెక్టర్ గురించి నటుడు తారక్ పొన్నప్ప మాట్లాడుతూ పుష్పరాజ్ లైఫ్ ని టర్న్ చేసే క్యారెక్టర్ గా తన పాత్ర ఉంటుందని, ఆ పాత్రలో పాజిటివ్, నెగిటివ్ షేడ్స్ రెండూ ఉంటాయని చెప్పుకొచ్చాడు.
అయితే ఈ లుక్ చూసిన వెంటనే మూవీ చూడాలని క్యూరియాసిటీ పెరిగిందని, డైరెక్టర్ సుకుమార్ ఏదో పెద్ద ప్రయోగమే చేస్తున్నాడని అంటున్నారు ప్రేక్షకులు. అరగుండు గెటప్ లో తారక్ పొన్నప్ప పెర్ఫార్మెన్స్ కూడా పవర్ఫుల్ గా ఉండబోతుందని ఆ ఎక్స్ప్రెషన్ చూస్తేనే అర్థమవుతుంది. ఈ సినిమాలో అల్లు అర్జున్, రష్మిక మందన్న, ఫహద్ ఫాజిల్, జగపతిబాబు పాత్రలతో పాటు తారక్ పొన్నప్ప పాత్ర కూడా పవర్ ఫుల్ గా ఉండబోతుందని కీలక సమాచారం.
ఈ సినిమా తరువాత తారక్ పొన్నప్ప టాలీవుడ్ లో బిజీ యాక్టర్ గా మారిపోతాడు అనటంలో అతిశయోక్తి లేదు. అతను ఇంతకుముందే దేవర సినిమాలో నెగిటివ్ పాత్ర ద్వారా అందరి దృష్టిని ఆకర్షించిన సంగతి తెలిసిందే. అయితే అతను అంతకుముందే రజాకార్, సత్యదేవ్ సినిమా కృష్ణమ్మ లో కూడా కీలకపాత్రలో పోషించాడు అయితే దేవర సినిమాతో అందరి దృష్టిని ఆకర్షించడం విశేషం.