Pushpa 2: సుకుమార్ దర్శకత్వంలో అల్లు అర్జున్ హీరోగా నటించిన పుష్ప 2 సినిమా ట్రైలర్ తాజాగా విడుదల అయిన విషయం తెలిసిందే. తాజాగా విడుదలైన ఈ టైలర్ ప్రస్తుతం సోషల్ మీడియాలో విధ్వంసం సృష్టిస్తోంది. నెట్టింట ట్రెండ్ అవుతోంది. రికార్డుల మీద రికార్డులను బద్దలు కొడుతూ అత్యధిక వ్యూస్ ని రాబడుతూ దూసుకుపోతోంది. ఇప్పటికీ అత్యంత వేగంగా 40 మిలియన్ వ్యూస్ ని రాబట్టిన విషయం తెలిసిందే. అంతేకాకుండా 1.4 మిలియన్లకు పైగా లైకులను సంపాదించుకుంది. ఎక్కడ చూసినా.. ఎక్కడ విన్నా కూడా ఈ ట్రైలర్ గురించే మాట్లాడుకుంటున్నారు.
సామాన్యులు మాత్రమే కాకుండా సెలబ్రిటీలు సైతం ఈ సినిమా ట్రైలర్ ని చూసి ప్రశంసించకుండా ఉండలేకపోతున్నారు. ఇప్పటికే చాలామంది సెలబ్రిటీలు స్పందించిన విషయం తెలిసిందే. రాజమౌళి బుచ్చిబాబు లాంటి మంచి మంచి దర్శకులు కూడా ఈ సినిమా ట్రైలర్ పై స్పందించారు. ఇది ఇలా ఉంటే పుష్ప 2 ట్రైలర్ పై ఆస్ట్రేలియా క్రికెటర్ డేవిడ్ వార్నర్ స్పందించాడు. గ్రేట్ వర్క్ అని ఇన్‌స్టాలో అల్లు అర్జున్‌ని ట్యాగ్ చేసి వార్నర్ బాయ్ అభినందించాడు.
ప్రస్తుతం ఈ పోస్ట్ సోషల్ మీడియాలో వైరల్‌గా మారింది. దీనిపై నెటిజన్లు రకరకలుగా స్పందిస్తున్నారు. పుష్ప అంటే నేషనల్ అనుకుంటివా.. ఇంటర్నేషనల్ అంటూ కామెంట్లు పెడుతున్నారు. మరి ఈ ట్రైలర్ ఇంకా ఎలాంటి అంచనాలను క్రియేట్ చేస్తుందో చూడాలి మరి.