ట్రైలర్ రిలీజ్ అవుతూనే పుష్ప 2 సినిమా రికార్డుల వేట మొదలుపెట్టింది. మొదటినుంచి ఈ సినిమాపై ఓ రేంజ్ లో ఎక్స్పెక్టేషన్స్ ఉన్నాయి. ఈ సినిమా ఫస్ట్ పార్ట్ భారీ విజయం సాధించడంతో సెకండ్ పార్ట్ పై విపరీతమైన హైప్ క్రియేట్ అయింది. దాంతో ఈ మూవీ రిలీజ్ కోసం ప్రపంచవ్యాప్తంగా ఉన్న సినీ ప్రేమికులందరూ ఎదురుచూస్తున్నారు. వారి అంచనాలకు తగినట్లుగానే పుష్ప 2 ట్రైలర్ ఉండటంతో ఇప్పుడు రికార్డులు క్రియేట్ చేస్తుంది ఈ మూవీ ట్రైలర్. అయితే తెలుగులో ఈ మూవీ రికార్డులు క్రియేట్ చేయడంలో పెద్ద విశేషం ఏమీ లేదు కానీ బాలీవుడ్ లో సైతం ఈ ట్రైలర్ ఊహించని విజయాన్ని అందుకుంది.
ఒకప్పుడు బాలీవుడ్ లో స్థానం కోసం టాలీవుడ్ ఎన్నో ప్రయత్నాలు చేసింది అయినప్పటికీ అంతగా సక్సెస్ కాలేక పోయింది. అయితే ప్రభాస్ మాత్రం బాహుబలి విజయంతో బాలీవుడ్ లో ఏకంగా సింహాసనమే సంపాదించాడు. బాహుబలి తర్వాత సాలార్, కల్కి వంటి సినిమాలు తో అక్కడ అగ్ర హీరోగా పేరు తెచ్చుకున్నాడు ప్రభాస్. అయితే ఆ తర్వాత అంతటి ఘనత సాధించిన టాలీవుడ్ హీరో బన్నీ అని చెప్పడంలో ఏమాత్రం అతిశయోక్తి లేదు.
అందుకు ఉదాహరణగా మొన్న పాట్నాలో జరిగిన పుష్ప 2 ట్రైలర్ లాంచ్ ఈవెంట్ గురించి చెప్పుకోవచ్చు. నిజానికి పాట్నాలో తెలుగువారు చాలా తక్కువ మంది ఉన్నారు అయినప్పటికీ అక్కడ పాతికవేల పాస్ లో నిమిషాల మీద అమ్ముడు పోవటం విశేషం. ఈ క్రేజ్ చూస్తే బాలీవుడ్ సైతం పిచ్చెక్కిపోయింది. టాలీవుడ్ మాత్రమే కాకుండా బాలీవుడ్ సోషల్ మీడియా మొత్తం ఇప్పుడు పుష్ప మేనియాతో ఊగిపోతుంది.
ట్రైలర్ కే ఈ రేంజ్ లో రెస్పాన్స్ ఉంటే ఇక మూవీ రిలీజ్ అప్పుడు రెస్పాన్స్ మరే రేంజ్ లో ఉంటుందో ఊహించుకోవచ్చు. ఏది ఏమైనప్పటి కీ తెలుగు సినిమాకి ఇది ఒక శుభ తరుణం. టాలీవుడ్ ని చిన్నచూపు చూసిన బాలీవుడ్ కి ఇది ఊహించని షాక్. రామ్ చరణ్, ఎన్టీఆర్,మహేష్ బాబు లాంటి హీరోలు కూడా అల్లు అర్జున్, ప్రభాస్ ల దారిలో పాన్ ఇండియా స్టార్లుగా తయారై బాలీవుడ్ కి గట్టి పోటీ ఇవ్వాలని కోరుకుంటున్నారు సదరు హీరోల ఫ్యాన్స్.