Vishwak Sen: టాలీవుడ్ యంగ్ హీరో విశ్వక్ సేన్ ప్రస్తుతం వరుస సినిమాలతో దూసుకుపోతున్న విషయం తెలిసిందే. విశ్వక్ సేన్ నటిస్తున్న సినిమాలు కూడా వరుసగా బ్యాక్ టు బ్యాక్ సూపర్ హిట్ గా నిలుస్తుండడంతో అదే ఊపుతో వరుసగా సినిమాలు చేస్తూ దూసుకుపోతున్నారు. అందులో భాగంగానే ఇప్పుడు త్వరలో మెకానిక్ రాకీ అనే సినిమాతో ప్రేక్షకులు ముందుకు రాబోతున్నారు విశ్వక్ సేన్. నవంబర్ 22న ఈ సినిమా ప్రేక్షకుల ముందుకు రానుంది. ప్రస్తుతం ఈ సినిమా ప్రమోషన్స్ కార్యక్రమాల్లో భాగంగా బిజీ బిజీగా ఉన్నారు.
అయితే ఈ ప్రమోషన్స్ కార్యక్రమాల్లో భాగంగా తాజాగ వరంగల్ లో మెకానిక్ రాకీ సినిమా ప్రీ రిలీజ్ ఈవెంట్ జరిగింది. అయితే ఈ ఈవెంట్లో విశ్వక్ సేన్ మాట్లాడుతూ.. మీకే చెప్తున్నా. మీరు నన్ను ఏమి పీకలేరు. నేను ఇలాగే మాట్లాడతాను. ఇలాగే నా సినిమాని ప్రమోట్ చేసుకుంటాను. నేనేమి తప్పు చెయ్యట్లేదు. సినిమాలు చేస్తున్నాము. నేను ట్రోల్ చేసిన వాళ్ళను, నా గురించి తక్కువ మాట్లాడిన వాళ్ళను నేనేమి అనను. ఈ సినిమా తర్వాత క్రిటిక్స్, రివ్యూయర్స్, ట్రోలర్స్ గురించి మాట్లాడను. క్రిటిక్స్, రివ్యూవర్స్ సినిమా గురించి ఏం రాసినా ఏం కామెంట్ చేసినా పర్వాలేదు. కానీ పర్సనల్ లెవెల్ లో ఎటాక్ చేయొద్దని కోరుతున్నాను. క్రిటిక్స్ రివ్యూస్ మాకు మంచి సినిమా చేయడానికి ఒక మోటివేషన్.
పర్సనల్ ఒపీనియన్ చెప్పినప్పుడు ఆ పర్సనల్ ఒపీనియన్ పై మాట్లాడే ఫ్రీడమ్ ఆఫ్ స్పీచ్ మాకు ఉంది. ఈ సినిమా తర్వాత రివ్యూస్ గురించి క్రిటిక్స్ గురించి నేను మాట్లాడను. మీరు స్వేచ్ఛగా రాసుకోవచ్చు. మిమ్మల్ని ఇంప్రెస్ చేయడం మా పని. మీరు కూడా ఒక సినిమా గురించి రాస్తున్నప్పుడు బాధ్యతగా ఉండాలని కోరుకుంటున్నాను అంటూ మాస్ వార్నింగ్ ఇచ్చాడు విశ్వక్ సేన్. తన గురించి తన సినిమా గురించి సోషల్ మీడియాలో ట్రోల్స్ చేసే వారికీ, క్రిటిక్స్ తాజాగా తన మాటలతో గట్టిగానే బుద్ధి చెప్పాడు. ఈ సందర్భంగా విశ్వక్ సేన్ వ్యాఖ్యలు వైరల్ గా మారాయి.