ఈటీవీలో ప్రసారమవుతున్న “ఆలీతో సరదాగా” అనే షో ప్రేక్షకులను ఆకట్టుకుంటూ మంచి రేటింగ్స్ తో కొనసాగుతోంది. ఈ షోలో అలీ హోస్ట్ గా వ్యవహరిస్తున్నాడు. ప్రతివారం ప్రసారమవుతున్న ఈ షోలో సెలబ్రిటీలు పాల్గొని ఆలీతో కలిసి సందడి చేస్తున్నారు. ఈ షో లో పాల్గొనే సెలబ్రిటీల గురించి ఆలీ పూర్తిగా ఎంక్వయిరీ చేసి వారి గురించి ప్రేక్షకులకు తెలియని విషయాలను ఈ షో ద్వారా బయటపెడుతూ అందరినీ ఆశ్చర్యపరుస్తూ ఉంటాడు. ఇదిలా ఉండగాఈ షోలో ఎంతోమంది స్టార్ హీరో హీరోయిన్లు పాల్గొని సందడి చేశారు. తాజాగా ఈ షోలో పవన్ కళ్యాణ్ పాల్గొనబోతున్నాడని వార్తలు వైరల్ అవుతున్నాయి.
పవన్ కళ్యాణ్, అలీ మధ్య ఎన్నో ఏళ్లుగా మంచి స్నేహబంధం ఉంది. పవన్ కళ్యాణ్ నటించిన ప్రతి సినిమాలోని ఆలీ పాత్ర కచ్చితంగా ఉంటుంది. ఇలా సినిమాల విషయంలో ఎన్నో ఏళ్లుగా కలిసి నటిస్తూ మంచి స్నేహితులలా కొనసాగుతున్న వీరి స్నేహంలో రాజకీయం చిచ్చు పెట్టింది. పవన్ కళ్యాణ్ కి ప్రాణ స్నేహితుడైన ఆలీ పవన్ కళ్యాణ్ స్థాపించిన జనసేన పార్టీలో కాకుండా ఆ పార్టీకి విరుద్ధంగా ఉన్న వైఎస్ఆర్ కాంగ్రెస్ పార్టీలో చేరటంతో ఇద్దరి మధ్య ఉన్న స్నేహం జరిగిందని గతంలో వార్తలు వైరల్ అయ్యాయి. అంతేకాకుండా పవన్ కళ్యాణ్ ఆలీ ఇద్దరూ కూడా ఒకరి గురించి ఒకరు పరోక్షంగా విమర్శలు కూడా చేసుకున్నారు.
అప్పటినుండి పవన్ కళ్యాణ్ నటిస్తున్న సినిమాలలో ఆలీకి చోటు దక్కలేదు. ప్రస్తుతం అలీ వ్యాఖ్యతగా వ్యవహరిస్తున్న అలీ తో సరదాగా అనే షోకి పవన్ కళ్యాణ్ అతిథిగా హాజరు కాబోతున్నాడని కొంతకాలంగా వార్తలు వినిపిస్తున్నాయి. నిజంగా వీరిద్దరిని ఈ షోలో ఒకే చోట ఒకే వేదికపై కలిసి చూడాలని ప్రేక్షకులు ఎంతో ఆతృతగా ఎదురు చూస్తున్నారు.” అలీ తో సరదాగా” షో చివరి ఎపిసోడ్ కి పవన్ కళ్యాణ్ ముఖ్య అతిధిగా అహ్వానించటానికి సంప్రదించగా పవన్ కళ్యాణ్ అంగీకరించినట్టు తెలుస్తొంది. దీంతో ఈ ఇద్దరికీ స్నేహితుల మధ్య ఎలాంటి సంభాషణ జరుగుతుందో అని ప్రేక్షకులు ఈ ఎపిసోడ్ కోసం మాత్రమే ఎదురుచూస్తున్నారు.