ప్రతి మహిళ జీవితంలో ఎదురయ్యే ఆరోగ్య సమస్యలలో నెలసరి ఒకటి. నెలసరి సమయంలో చాలామంది మహిళలు కడుపునొప్పి భరించలేని విధంగా ఉంటుంది. కడుపు నొప్పి మాత్రమే కాకుండా ఇంకా ఎన్నో రకాల లక్షణాలు స్త్రీలలో కనిపిస్తాయి. ఇటువంటి అనారోగ్య సమస్యలకు ఇంట్లోనే చిన్న చిన్న చిట్కాలను ఉపయోగించి వాటి నుండి ఉపశమనం పొందవచ్చు. ఇప్పుడు మనం వాటి గురించి తెలుసుకుందాం.
పీరియడ్స్ టైం లో కొన్ని ఆహార పదార్థాలు, చిట్కాలు పాటించడం వల్ల నెలసరి సమస్యల నుండి విముక్తి పొందవచ్చు. ఇటువంటి సమయంలో నీరు ఎక్కువగా తాగడం ఆరోగ్యానికి చాలా మంచిది. అలాగే పీరియడ్స్ టైం లో నీరు ఎక్కువగా తాగటం లేదా వాటర్ కంటెంట్ ఎక్కువగా ఉన్న పండ్లు తినడం వల్ల చాలా మంచిది. ముఖ్యంగా పుచ్చకాయలు వాటర్ కంటెంట్ ఎక్కువగా ఉంది బ్లోటింగ్ సమస్య నుండి కాపాడుతుంది.
గుడ్డు ఎన్నో పోషకాలకు ఖజానా వంటివి. ప్రతిరోజు ఒకటి లేదా రెండు ఉడికించిన గుడ్లు తినడం వల్ల ఆరోగ్యానికి చాలా ప్రయోజనాలు ఉన్నాయి. కోడిగుడ్లలో విటమిన్స్ ,యాంటీ ఆక్సిడెంట్స్ ,మినరల్ పుష్కలంగా ఉంటాయి. పీరియడ్స్ టైం లో కడుపు నొప్పి వల్ల ఆహారం తినాలనిపించదు. ఇటువంటి సమయంలో రెండు ఉడికించిన గుడ్లను తినటం వల్ల కడుపునిండి గ్యాస్ట్రిక్, గుండెల్లో మంటగా ఉండటం, బ్లోటింగ్ వంటి సమస్యలను దూరం చేయవచ్చు.
చిన్న పిల్లల నుండి పెద్దవారి వరకు చాక్లెట్స్ అంటే ఇష్టపడనివారు ఉండరు. అటువంటి చాక్లెట్స్ వల్ల ఆరోగ్యానికి నష్టాలే కాదు ఉపయోగాలు కూడా ఉన్నాయి. పీరియడ్స్ టైం లో డార్క్ చాక్లెట్స్ తినడం వల్ల డార్క్ చాక్లెట్ లోని యాంటీ ఆక్సిడెంట్ లక్షణాల వల్ల కడుపు నొప్పి తగ్గుతుంది.ప్రస్తుత కాలంలో అందరికీ ఆరోగ్యం మీద శ్రద్ధ పెరిగింది. ఆరోగ్యానికి అవసరమైన డైట్ ఫాలో అవుతూ ఉంటారు.ఈ క్రమంలోనే నెలసరి సమయంలో ఈ చిన్న చిట్కాలను పాటించడం వల్ల ఆ సమయంలో వచ్చే నొప్పి నుంచి కాస్త ఉపశమనం పొందవచ్చు.