Pushpa 2: సుకుమార్ దర్శకత్వంలో అల్లు అర్జున్ అలాగే రష్మిక మందన కలిసి నటించిన తాజా చిత్రం పుష్ప2. ఈ సినిమా డిసెంబర్ 5న విడుదల కానున్న విషయం తెలిసిందే. ఈ సినిమా విడుదల తేదీకి మరికొద్ది రోజులే సమయం ఉండడంతో మూవీ మేకర్స్ ఈ సినిమా ప్రమోషన్స్ కార్యక్రమాలను మొదలు పెట్టేశారు. ఈ ప్రమోషన్స్ కార్యక్రమాలలో భాగంగానే తాజాగా ఈ సినిమా ట్రైలర్ ను విడుదల చేసిన విషయం తెలిసిందే. ఇందులో సునీల్, ఫాహద్ ఫాజిల్, అనసూయ భరద్వాజ్, రావు రమేష్, జగపతిబాబు తదితరులు కీలక పాత్రల్లో నటిస్తున్నారు.
అలాగే ఈ సినిమా కోసం ప్రేక్షకులు వెయ్యి కళ్ళతో ఎదురుచూస్తున్నారు. ఒక్క టాలీవుడ్ ప్రేక్షకులు మాత్రమే కాకుండా పాన్ ఇండియా అభిమానులు ఎంతో ఆత్రుతగా ఎదురుచూస్తున్నారు. ఇకపోతే ఈ సినిమా ప్రమోషన్స్ లో భాగంగానే తాజాగా బీహార్ రాజధాని పాట్నాలో పుష్ప ట్రైలర్ లాంచ్ చేసారు. ఈ ట్రైలర్ లో చాలా హైలైట్స్ ఉన్నాయి. ముఖ్యంగా మొదటి పార్ట్ కంటే మించిన యాక్షన్ సీన్స్ ఈ సినిమాలో ఉంటాయని తెలుస్తోంది. ట్రైలర్ ను కరెక్ట్ గా గమనిస్తే ఎన్నో విశేషాలు కనిపిస్తాయి. ట్రైలర్ లో కేశవ పాత్రకు కళ్ళు లేనట్టు చూపించారు. అది బాగా గమనిస్తే అర్ధమవుతుంది.
అల్లు అర్జున్ వెనక గొడుగు పట్టుకున్న కేశవను చూస్తే అది అర్ధమవుతుంది. అంటే విలన్స్ కేశవ కళ్ళు తీస్తారేమో. అలాగే ట్రైలర్ లో ఎవరో చనిపోతే దహన సంస్కారాలు చేస్తున్నట్టు చూపించారు. అది కూడా ఎర్ర చందనం పైన దీన్ని బట్టి చూస్తుంటే సినిమాలో హీరోయిన్ రష్మిక చనిపోయి ఉంటుందని, అందుకే ఎర్ర చందనంపైన కాల్చేస్తున్నారు అని నెటిజన్స్ కామెంట్స్ చేస్తున్నారు. అలాగే ఇంకొంతమంది సినిమాలో పుష్ప తల్లి చనిపోయి ఉంటుంది అందుకే అలా ఎర్ర చందనం పైన కాల్చేస్తున్నారు అని అంటున్నారు. మరి ఈ విషయాలపై క్లారిటీ రావాలంటే డిసెంబర్ 5 వరకు వేచి చూడాల్సిందే మరి.