Pushpa 2: ఐకాన్ స్టార్ అల్లు అర్జున్ హీరోగా నటించిన పుష్ప 2 సినిమా డిసెంబర్ 5వ తేదీ పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో ఈ సినిమాపై భారీ అంచనాలు ఏర్పడ్డాయి. ఇక ఈ సినిమా విడుదలకు తక్కువ సమయం ఉన్న నేపథ్యంలో భారీగా ప్రమోషన్ కార్యక్రమాలను కూడా మొదలుపెట్టారు. ఈ ప్రమోషన్లలో భాగంగా పాట్నాలో ఈ సినిమా ట్రైలర్ లాంచ్ కార్యక్రమం ఎంతో ఘనంగా జరిగింది.
ఈ ట్రైలర్ లాంచ్ కార్యక్రమంలో భాగంగా లక్షలాది మంది అభిమానులు అక్కడికి చేరుకొని సందడి చేశారు. ఇలా ఇప్పటివరకు ఏ బాలీవుడ్ సినిమా ఈవెంట్ కూడా ఉత్తరాది రాష్ట్రాలలో జరగలేదని చెప్పాలి. గతంలో రాజమౌళి డైరెక్షన్లో వచ్చిన RRR సినిమా వేడుకల తర్వాత ఆ వేడుకను మించి పుష్ప ట్రైలర్ లాంచ్ ఈవెంట్ జరిగిందని చెప్పాలి. ఈ ట్రైలర్ లాంచ్ వేడుక కొంతమంది గుండెల్లో దడ పుట్టించిందని చెప్పడంలో అతిశయోక్తి లేదు.
ఒక స్టార్ సినీ బ్యాగ్రౌండ్ ఉన్న ఫ్యామిలీ నుంచి ఇండస్ట్రీలోకి అల్లు అర్జున్ అడుగుపెట్టిన ఈయన మాత్రం తన స్వయం కృషితో ఈ స్థాయికి చేరుకున్నారు. ఇలా ఒక తెలుగు హీరో సినిమా హిందీ వర్షన్ వేడుక కోసం గంటలు తరబడి ఇలా వేచి ఉండటం అంటే మామూలు విషయం కాదు ఇదంతా కూడా అల్లు అర్జున్ ప్రేక్షక అభిమానులలో సంపాదించుకున్న క్రేజ్ అనే చెప్పాలి.
ఇక ఈ సినిమా నుంచి ట్రైలర్ విడుదల చేయగా ఈ ట్రైలర్ వీడియో సోషల్ మీడియాలో దుమ్ము లేపుతోంది. మరోవైపు ఈ ట్రైలర్ కంటే కూడా ఈ ట్రైలర్ లాంచ్ ఈవెంట్ గురించి కూడా ఇండస్ట్రీలో చర్చలు మొదలయ్యాయి. ఇప్పటివరకు సౌత్ ఇండస్ట్రీలో ఏ సినిమా కూడా సాధించని రికార్డులను పుష్ప 2 సినిమా సరికొత్త రికార్డులను తిరగరాస్తుందని తెలుస్తోంది.
ఇప్పటివరకు టాలీవుడ్ ఇండస్ట్రీలో పాన్ ఇండియా డైరెక్టర్స్ అంటే రాజమౌళి సందీప్ రెడ్డి వంటి వారి పేర్లు మాత్రమే వినపడేవి. ఇకపై సుకుమార్ సైతం పాన్ ఇండియా స్టార్ట్ డైరెక్టర్ గా క్రేజ్ సొంతం చేసుకోబోతున్నారు. ఇక పాన్ ఇండియా స్టార్ట్ హీరో ప్రభాస్ పక్కన అల్లు అర్జున్ పేరు కూడా జత కాబోతోంది. ఏది ఏమైనా పాన్ ఇండియా స్థాయిలో తెలుగు సినిమా పేరు ప్రఖ్యాతలు మారుమోగడం తెలుగు చిత్ర పరిశ్రమకే గర్వకారణం అని చెప్పాలి.