సందీప్ రెడ్డి వంగా, రెబల్ స్టార్ ప్రభాస్ కాంబినేషన్లో రాబోయే సెన్సేషన్ మూవీ స్పిరిట్ సినిమా గురించి రోజు రోజుకి వినిపిస్తున్న వార్తలు సినిమాపై అంచనాలను బలంగా పెంచేస్తున్నాయి. ప్రభాస్ పోలీస్ క్యారెక్టర్ వేస్తున్నాడని తెలియడంతో ప్రభాస్ ఫ్యాన్స్ మరింత ఉత్సాహంతో ఈ సినిమా అప్ డేట్స్ కోసం ఎదురు చూస్తున్నారు. సినిమాకి సంబంధించిన ప్రతి అప్డేట్ తెలుసుకోవాలని తెగ ఉత్సాహ పడుతున్నారు.
ఈ క్రమంలోనే ఈ సినిమాకి సంబంధించిన పలు రూమర్స్ బయటకి వస్తున్నాయి. ఎన్ని రూమర్స్ వచ్చినా కూడా డైరెక్టర్ సందీప్ రెడ్డి వంగా అసలు స్పందించడం లేదు. సినిమాకి సంబంధించిన ఒక్క క్లూ కూడా బయటికి వదలక పోవటం విశేషం. సినిమాకి సంబంధించిన ప్రీ ప్రొడక్షన్ పనులు ప్లాన్డ్ గా చేసుకుంటున్నాడు. అయితే ఈ సినిమా గురించిన అప్డేట్ ఒకటి బయటికి వచ్చింది. ఈ సినిమాలో సౌత్ కొరియా నటుడు డాన్ లీ ఒక ప్రత్యేకమైన పాత్రలో నటిస్తాడని టాక్ వినిపిస్తుంది.
దానికి అనుగుణంగానే డాన్ లీ ఈ మధ్య తన సోషల్ మీడియాలో ప్రభాస్ కి సంబంధించిన ఫోటో ఒకటి పోస్ట్ చేయటంతో ఆ న్యూస్ మరింత వైరల్ అయింది. అయితే దాన్ని పోస్ట్ చేసిన ఫోటో సలార్ 2 సినిమాకి సంబంధించినది. దీంతో ప్రేక్షకులు మరింత కన్ఫ్యూజ్ అవుతున్నారు, డాన్ లీ సలార్ 2 లో నటిస్తున్నాడా లేదంటే స్పిరిట్ లో నటిస్తున్నాడా తెలియక సతమతం అవుతున్నారు. డాన్ లీ కూడా ఈ విషయంపై ఎలాంటి క్లారిటీ ఇవ్వలేదు.
ఇంతలో హైదరాబాదులో 2024 సినిమాటిక్స్ ఎక్స్ పో కి హాజరైన సందీప్ రెడ్డి వంగా ని నేరుగా ఇదే ప్రశ్న అడిగింది మీడియా. అయితే సందీప్ ఆ ప్రశ్నకి సరైన సమాధానం ఇవ్వకుండా త్వరలోనే అన్నింటికి సమాధానం చెప్తాను అంటూ అక్కడ నుంచి వెళ్లిపోవడంతో మళ్లీ తలలు పట్టుకున్నారు సదరు మీడియా వారు. ఇక ఈ విషయానికి సంబంధించి ఏదైనా అధికారిక ప్రకటన వస్తేనే కానీ నిజా నిజాలు తెలుసుకునే అవకాశం లేదంటున్నారు సినీ వర్గాల వారు.