గత కొన్ని రోజులుగా మహేష్ బాబు ఫుల్ జుట్టుతో గడ్డంతో కనబడే వాడు. ఈ లుక్ ని చూసి రాజమౌళి సినిమా కోసమే మహేష్ బాబు ఇలా పెంచుతున్నాడు అని అందరూ అనుకున్నారు. సాధారణంగా రాజమౌళి సినిమాలో హీరోల లుక్స్ అంత త్వరగా బయట పెట్టడు కానీ మహేష్ బాబు లుక్ ని చూసి అందరూ అదే ఎస్ ఎస్ ఎం బి 29 లో మహేష్ బాబు లుక్ అనుకున్నారు.
అయితే ఇటీవల కీరవాణి కొడుకు శ్రీ సింహ ప్రీ వెడ్డింగ్ వేడుకలు హాజరైన మహేష్ బాబు గడ్డం లేకుండా ఇంతకుముందు ఉన్న హెయిర్ స్టైల్ కూడా కొంచెం చేంజ్ చేసి పూర్తి డిఫరెంట్ లుక్ లో కనిపించి షాక్ ఇచ్చాడు. ప్రస్తుతం మహేష్ బాబు లుక్ ని చూసిన జనాలు జక్కన్న సినిమా మొదలవ్వకముందే మహేష్ బాబు గడ్డం ఎందుకు తీసేసాడు, మళ్ళీ గడ్డం పెంచుతాడా, అసలు ఎస్ ఎస్ ఎం బి 29లో మహేష్ బాబు లుక్ ఏంటి, అసలు ఈ సినిమాను ఏం చేయబోతున్నారు అంటూ తెగ క్యూరియాసిటీ ప్రదర్శిస్తున్నారు.
అయితే మహేష్ బాబు ఇలా లుక్ మార్చడానికి కారణం రాజమౌళి అని షూటింగ్ కి ఇంకా చాలా టైం పడుతుందని రాజమౌళి చెప్పటంతోనే మహేష్ తన లుక్ మార్చినట్లు సినీ వర్గాల సమాచారం. ఇక ఈ సినిమా విషయానికి వస్తే ఈ సినిమా ఆఫ్రికా అడవుల నేపథ్యంలో కథ ఉంటుందని విజయేంద్ర ప్రసాద్ ఎప్పుడో చెప్పారు. స్క్రిప్ట్ కూడా పూర్తయినట్లు చెప్పారు. జక్కన్న ఆఫ్రికాలో చాలా చోట్ల తిరిగి కొన్ని లొకేషన్లు కూడా పిక్ చేసినట్లు తెలుస్తుంది.
అయితే ఈ సినిమా కథ గురించి గానీ ఇందులో మెయిన్ క్యాస్ట్ ఏమిటని గానీ ఎవరికి తెలియకుండా జాగ్రత్త పడుతున్నాడు రాజమౌళి. అయితే షూటింగ్ వచ్చేయడం అది ప్రారంభం కాబోతుందని అందుకే మహేష్ బాబుకి అప్పటివరకు పలు రకాల లుక్స్ మార్చమని రాజమౌళి యే సూచించాడనే వార్తలు కూడా ప్రచారం అవుతున్నాయి. అయితే మహేష్ బాబు లుక్ పై అధికారికంగా ఒక ప్రకటన వచ్చేవరకు ప్రేక్షకులకు ఈ కన్ఫ్యూజన్ తప్పదు. ఏదైనా జక్కన్న ప్లానింగే ప్లానింగ్ అంటున్నారు సినీ ప్రియులు.