ప్రస్తుత కాలంలో అన్నిటికన్నా డబ్బు చాలా విలువైనది. మనిషి జీవించడానికి డబ్బు చాలా ముఖ్యం. అందువల్ల ప్రజలు డబ్బు సంపాదించడం కోసం ఎంతో కష్టపడుతూ ఉంటారు. అయితే కొంతమంది ఎంత కష్టపడి పని చేసినా కూడా సంపాదించిన డబ్బు మొత్తం ఏదో ఒక రూపంలో ఖర్చు అవుతూ ఉంటుంది. దీంతో ఇంట్లో తరచూ ఆర్థిక సమస్యలు వేధిస్తూ ఉంటాయి. ఈ ఆర్థిక సమస్యల నుండి విముక్తి పొందటానికి కొంతమంది పూజలు, వ్రతాలు, పరిహారాలు చేస్తూ ఉంటారు.
ఇలా చేయడం వల్ల లక్ష్మి దేవి అనుగ్రహం లభిస్తుందని ప్రజల నమ్మకం. అయితే లక్ష్మీదేవి మీ ఇంట్లోకి ప్రవేశించే ముందు కొన్ని సంకేతాలు కనిపిస్తాయి వాటి ఆధారంగా లక్ష్మీదేవి మీ ఇంట్లో అడుగుపెడుతుందని ముందే మీరు గుర్తించవచ్చు. అయితే లక్ష్మీ దేవి ఆగమనం గురించి తెలిపే సంకేతాల గురించి ఇప్పుడు తెలుసుకుందాం.
సాధారణంగా ప్రతి ఒక్కరికి కలలు వస్తూ ఉంటాయి. ఇలా నిద్రపోయినప్పుడు వాకిలి ఓడుస్తున్నట్లు కల వస్తే అది లక్ష్మీదేవి ఆగమనం గురించి తెలిపే సంకేతంగా భావించవచ్చు. అలాగే గుడ్ల గూబ చూడటానికి చాలా భయంకరంగా ఉంటుంది. కానీ ఉదయం నిద్ర లేచిన తర్వాత గుడ్లగూబ కనిపించటం కూడా లక్ష్మీదేవి కటాక్షం మనపై ఉందని తెలిపే సంకేతం.
అలాగే ఉదయం నిద్ర లేవగానే శంకర శబ్ధం వినిపించటం కూడా లక్ష్మీదేవీ ఆగమనాన్ని తెలిపే సంకేతం. అలాగే మనం కొనకుండా ఇతరుల వల్ల చెరుకు గడ మన ఇంటికి చేరిన కూడా లక్ష్మీదేవి మన ఇంట్లో ప్రవేశిస్తుందని తెలిపే సంకేతం. ఇలాంటి సంకేతాలు కనిపించినప్పుడు లక్ష్మీదేవీ మీ ఇంట్లోకి ప్రవేశిస్తుందని భావించాలి. అయితే ఇక్కడ అందరూ ఒక విషయం గుర్తు పెట్టుకోవాలి. లక్ష్మీ దేవీ అంటే కేవలం డబ్బు మాత్రమె కాదు. లక్ష్మీదేవి అంటే మంచి గుణం, మంచి పేరు కూడా.