Home Andhra Pradesh సిఎం రమేష్ ఇరుక్కున్నట్లేనా ?

సిఎం రమేష్ ఇరుక్కున్నట్లేనా ?

తెలుగుదేశంపార్టీ రాజ్యసభ సభ్యుడు సిఎం రమేష్ ఇరుక్కునట్లేనా ? ఇపుడందరిలో అవే అనుమానాలు మొదలయ్యాయి.  శుక్రవారం ఉదయం నుండి రమేష్ ఇళ్ళు, కార్యాలయాలతో పాటు బంధువుల ఇళ్ళపైన కూడా ఏకకాలంలో దాడులు జరిగిన విషయం తెలిసిందే. కొన్ని చోట్ల అర్ధరాత్రికి సోదాలు పూర్తవ్వగా మరికొన్ని చోట్ల అర్ధరాత్రి దాటిన తర్వాత సోదాలు మొదలయ్యాయి. మొత్తానికి పక్కా సమాచారంతోనే ఐటి అధికారులు ఏకకాలంలో దాడులకు దిగినట్లు అర్ధమవుతోంది.

 

ప్రధానంగా రాజ్యసభ సభ్యుడు కాకముందు రమేష్ ఆస్తులు, వ్యాపారలతో పాటు మొదటిసారి, రెండోసారి రాజ్యసభకు నామినేట్ అయిన తర్వాత ఆస్తులు, వ్యాపారాల్లో  పెరుగుదలపైనే ప్రధానంగా అధికారులు దృష్టి పెట్టినట్లు సమాచారం. అందులోను 2014లో చంద్రబాబునాయుడు ముఖ్యమంత్రి అయిన తర్వాత పెరిగిన ఆస్తులు, వ్యాపారాలపై ఎక్కువ దృష్టిని కేంద్రీకరించారట. ఆస్తులు, వ్యాపారాల్లో పెరిగిన వ్యత్యాసాన్ని కూడా గమనించారని సమాచారం. 2013-14లో రూ 55 కోట్లుగా ఉన్న రిత్విక్ ప్రాపర్టీస్ ఆదాయం 2016-17 అంటే కేవలం 2 ఏళ్ళల్లోనే 145 శాతం పెరిగినట్లు అధికారులు గుర్తించారట.

 

అదే విధంగా చంద్రబాబు సిఎం అయిన తర్వాత రమేష్ తన తమ్ముడి పేరుతో 10 షెల్ కంపెనీలను ఏర్పాటు చేసినట్లు తెలుస్తోంది. వివిధ రకాల్లో భారీ మొత్తాలను ఈ డొల్ల కంపెనీలకు దారి మళ్ళించినట్లు కూడా అధికారులు గుర్తించారట. అదే విధంగా శనివారం ఉదయం బ్యాంకు లాకర్లను తెరిచినపుడు భారీ ఎత్తున బంగారు నగలు, విలువైన డాక్యుమెంట్లను స్వాధీనం చేసుకున్నట్లు తెలుస్తోంది. చంద్రబాబు ముఖ్యమంత్రి అయిన తర్వాత రమేష్ కు సుమారు 19 ఇరిగేషన్ ప్రాజెక్టుల పనుల కాంట్రాక్టులు దక్కాయి. అందులో కొన్నింటిని టేకప్ చేసేందుకు రమేష్ కంపెనీలకు అర్హతలు లేకపోయినా కాంట్రాక్టులు దక్కటం విశేషం.

 

ఇక, రమేష్ పై సొంత పార్టీలోనే విపరీతమైన వ్యతిరేకత ఎదురవుతోంది. ప్రొద్దుటూరు మాజీ ఎంఎల్ఏ వరదరాజుల రెడ్డి, మంత్రి ఆదినారాయణరెడ్డి మధ్య బద్దవిరోధముంది. రమేష్ పై వరదరాజులు ఎప్పుడు మాట్లాడినా ఎంపి అక్రమ సంపాదనపైనే ఆరోపణలు చేసేవారు. రమేష్ వ్యాపారాల్లో అనూహ్య పెరుగుదలపై 2009లోనే వైఎస్ విజయమ్మ హై కోర్టులో కేసు వేశారు.

 

2003లో రూ 61 కోట్లున్న కంపెనీ ఆదాయం 2009కి రూ 488 కోట్లకు చేరుకోవటంపై విజయమ్మ అనుమానాలు వ్యక్తం  చేస్తు కోర్టులో కేసు వేశారు. మరి ఏమైందో ఏమో కానీ రమేష్ కంపెనీలపై విచారణకు కోర్టు అంగీకరించలేదు. ఇపుడు ఐటి దాడులతో చాలా విషయాలు వెలుగు చూడనున్నట్లు సమాచారం. అందుకే చంద్రబాబు అండ్ కో ఒక్కసారిగా ఉలిక్కిపడుతున్నారు. షెల్ కంపెనీల ఏర్పాటు, కోట్లాది రూపాయల దారిమళ్ళింపు, వ్యాపారాల్లో అనూహ్య పెరుగుదల తదితరాలతో రమేష్ ఇరుక్కున్నట్లేనా అని అనుమానం కలుగుతోంది.

 

 

- Advertisement -

Related Posts

ఇంత అనుభవం పెట్టుకొని చంద్రబాబు ఇలాంటి తప్పు చేశాడేంటి?? టీడీపీ నాయకులే తల పట్టుకున్నారు

ఆంధ్రప్రదేశ్ లో టీడీపీ పరిస్థితి ఎంత దారుణంగా ఉందొ అందరికి తెలుసు. దాదాపు పతనావస్థకు చేరువలో ఉంది. ఇంకొన్నాళ్ళు ఇదే పరిస్థితి కొనసాగితే ఆంధ్రప్రదేశ్ లో కనుమరుగు అయ్యే అవకాశం ఉన్న సందర్భంలో...

రాజకీయాల్లో రామ్మోహన్ రాజకీయం డిఫరెంట్, జగన్ కూడా కంగారుపడేలా

గత ఎన్నికల్లో టీడీపీ తరపున గెలుపొందింది ముగ్గురే ముగ్గురు ఎంపీలు.  వారిలో యువకుడు కింజారపురామ్మోహన్ నాయుడు.  ఎర్రన్నాయుడు వారసుడిగా రాజకీయాల్లోకి వచ్చిన రామ్మోహన్ నాయుడు సీనియర్లకు మించి పోరాటం చేస్తున్నారు.  యువకుడు కావడం,...

తప్పదు వెళ్ళాల్సిందే, ఏపీకి గుడ్ న్యూస్ కోసం ఢిల్లీ ఫ్లయిట్ ఎక్కిన వైఎస్ జగన్ 

ఏపీ ముఖ్యమంత్రి వైఎస్ జగన్ త్వరలో ఢిల్లీ పర్యటనకు వెళ్లే అవకాశాలున్నాయనే వార్తలు రాజకీయవర్గాలలో జోరుగా వినపడుతున్నాయి.  ప్రస్తుత రాష్ట్రం ఆర్థిక ఇబ్బందుల్లో ఉందని ప్రత్యేకంగా చెప్పాల్సిన పని లేదు.  లోటు బడ్జెట్, రెవేయు లోటు ఉన్నాసరే ముఖ్యమంత్రి...

జగన్‌కి ఎక్కడ దొరకాలో అక్కడ దొరికిన రాధాకృష్ణ.. అరెస్ట్ చేయించే వరకూ నిద్రపోడు? 

ఎల్లో మీడియా జోరు ఇంకా తగ్గలేదు.  ఆర్కే జగన్ మీద ఇంకా విషం చిమ్ముతూనే ఉన్నాడు.  ఎప్పుడు అవకాశం దొరుకుతుందా ఎప్పుడు జగన్ మీద తప్పుడు రాతలు రాద్దామా అనే ధోరణిలోనే ఉన్నాడు.  జగన్ ఏం చేసినా, ఏం...

Latest News