తిరుమల తిరుపతి దేవస్థానం కీలక నిర్ణయం తీసుకుంది. శని, ఆదివారాల్లో వీఐపీ బ్రేక్‌ దర్శనాలను రద్దు చేసి సాధరణ భక్తులకు కూడా శ్రీవారి దర్శనంలో ప్రాధాన్యత ఇవ్వాలని టిటిడి నిర్ణయించింది. ఆ రెండు రోజుల్లో సిఫార్సు లేఖలపై కేటాయించే వీఐపీ సర్వదర్శనం రద్దు చేసినట్లుగా తితిదే వెల్లడించింది. వీఐపీల దర్శన సమయాన్ని కూడా సామాన్య భక్తులకు కేటాయించేలా నిర్ణయించింది. భక్తుల సౌకర్యార్థం ఈ నిర్ణయం తీసుకున్నట్టు ట్రస్టు ప్రకటించింది. ఎక్కువ మంది దర్శించుకునేలా అదనంగా దర్శన టోకెన్లు జారీ చేయాలని తితిదే నిర్ణయించింది. ఈ నిర్ణయంతో భక్తులకు మరో రెండు గంటల దర్శన సమయం పెరుగుతుంది. సర్వదర్శనం కోసం 30వేల టోకెన్లను తితిదే జారీ చేయడానికి సిద్దమైంది.
తిరుమల వెళ్లే భక్తులకు గుడ్‌న్యూస్. తితిదే కీలక నిర్ణయం
