స్థానిక సంస్థల ఎన్నికలు రద్దైనట్టేనా.. నిమ్మగడ్డ ఏం చేస్తారు?

కానీ ఈలోపు కరోనా వ్యాప్తి ప్రమాదకరంగా మారడంతో ఎన్నికలను వాయిదా వేస్తూ నిమ్మగడ్డ నిర్ణయం తీసుకున్నారు.  ప్రభుత్వాన్ని సంప్రదించకుండా ఈసీ ఏకపక్ష నిర్ణయం తీసుకోవడంతో ప్రభుత్వ పెద్దలు ఆగ్రహించారు.  ఆ తర్వాత నిమ్మగడ్డను తొలగించడం, ఆయన కోర్టుకు వెళ్ళడం, కోర్టు తీర్పును సైతం సర్కార్ నిర్లక్ష్యం చేయడం అటుపైన సుప్రీం కోర్టులో పిటిషన్లు, చివరికి గవర్నర్ ఆదేశాలతో నిమ్మగడ్డ నియామకం జరిగాయి.  ఆర్డినెన్స్ కాలపరిమితి 6 నెలలు కాగా ఈలోపు అసెంబ్లీ సమావేశమై 6 వారాల్లోపు ఆర్డినెన్సు బిల్లును ఆమోదించుకోవాలి.  లేకపోతే ఆర్డినెన్సు కాలం చెల్లిపోతుంది.  జూలై 16న సమావేశమైన అసెంబ్లీ ఆర్డినెన్సు బిల్లును ఆమోదించుకుంది.  కానీ మండలిలో ప్రవేశపెట్టలేకపోయింది. 

 

మండలి జరిగినన్ని రోజులు మూడు రాజధానులు, సీఆర్డీయే రద్దు వంటి బిల్లుల మీద గొడవలతో సరిపోయింది.  ఆ గొడవల్లో పడి ప్రభుత్వం ఆర్డినెన్సు బిల్లును ప్రవేశపెట్టలేదు.  దీంతో ఆర్డినెన్సు కాలపరిమితి ఆగష్టు 20కి ముగియనుంది.  దీంతో  అధికారులు మంగళవారం ఆర్డినెన్స్‌ 6ను జారీ చేశారు. ఆర్డినెన్స్ 2 జూలై 27తో కాలం చెల్లిందని అంటూనే పాత ఆర్డినెన్స్‌ ఇంకా అమలులో ఉందని చెబుతూ మరో ఆర్డినెన్స్‌ జారీ చేశారు.  ఇలా ఒకే అంశం మీద రెండు ఆర్డినెన్సులు చెల్లవని రాజ్యాంగం చెబుతోంది.  ఈ అంశమే కోర్టుకు వెళితే ప్రభుత్వానికి ఎదురుదెబ్బ తప్పదు.  ఇలాంటి పరిస్థితుల్లో స్థానిక ఎన్నికల ప్రక్రియను ఎక్కడ ఆగిందో అక్కడి నుండి కొనసాగించాల్సి ఉంది.  అలా చేస్తే ఈ నెల 20లోపు ఎన్నికలు పూర్తి కావాలి.  కరోనా దృష్ట్యా అది అసాధ్యం.  కాబట్టి మొత్తంగా ప్రక్రియ రద్దు కావాల్సిందేనని అంటున్నారు నిపుణులు.  ఇన్ని అనుమానాల మధ్యలో అసలు ఈసీగా నిమ్మగడ్డ నిర్ణయం ఎలా ఉంటుందోననే ఆసక్తి నెలకొంది అందరిలో.