Trivikram Sreenivas Rao: సినీ ఇండస్ట్రీకి సుద్దాల అశోక్ తేజ, త్రివిక్రమ్ శ్రీనివాస్ లకు అవకాశం ఇచ్చింది పరిచయం చేసింది తానే అని వారే ఒక ఇంటర్వ్యూలో చెప్పారని కొమ్మనాపల్లి గణపతిరావు అన్నారు. తను అమీర్ పేట్ లో ఉన్నప్పుడు త్రివిక్రమ్ శ్రీనివాస్ తన ఇంటికి వచ్చేవాడని ఆయన అన్నారు అప్పటికి ఆయన పేరు త్రివిక్రమ్ శ్రీనివాస్ కాకుండా శ్రీనివాస్ గానే పిలిచేవారు. తన ఇంటికి అప్పుడప్పుడు వచ్చి సినిమాల్లో అవకాశాలు కల్పించామని డైరెక్షన్ వైపుగాని, ఇంకేదైనా డిపార్ట్మెంట్ వైపుగాని చాన్స్ ఇప్పించమని త్రివిక్రమ్ శ్రీనివాస్ అడిగే వారంటూ గణపతి రావు చెప్పారు. లేదంటే మీకు అసిస్టెంట్ గా నైనా ఉంటానని అడిగేవాడని ఆయన అన్నారు.
అలా అడిగిన ప్రతిసారీ తాను ఒక సాధారణ ఉద్యోగినని సెలవుల్లో వారాంతంలో వీలు కుదిరినప్పుడు రాస్తూ ఉంటాను. కానీ తాను రెగ్యులర్ రైటర్ ని కానని పలుమార్లు చెప్పేవాడిని గణపతిరావు చెప్పుకొచ్చారు. కాబట్టి తన మీద ఆశలు పెట్టుకోవద్దు అని కూడా ఆయన చెప్పినట్టు వివరించారు.
ఒకానొక సందర్భంలో త్రివిక్రమ్ శ్రీనివాస్ ని ఏం చదువుకున్నారు అంటే ఎంఎస్సీ చదివానని చెప్పాడు. ఎమ్మెస్సీలో గోల్డ్ మెడల్ తెచ్చుకుని సినిమా ఇండస్ట్రీకి ఎందుకు వచ్చావు ? హాయిగా ఏదైనా ఉద్యోగం చేసుకోవచ్చు కదా. నీకున్న అర్హతకు మంచి జాబ్ ఉంటుంది అని అప్పట్లో ఆయన త్రివిక్రమ్ శ్రీనివాస్ కు చెప్పినట్టు గణపతి రావు చెప్పారు. ఈ ఫీల్డ్ దరిద్రమైన ఫీల్డ్ అని, ఇక్కడ రాజకీయాలు నువ్వు తట్టుకోలేవు అని ఆయన చెప్పినట్టు తెలిపారు. ఆయన ముఖం చూస్తే చాలా అమాయకంగా ఉండేదని గణపతి రావు అన్నారు. రెండు, మూడు సార్లు త్రివిక్రమ్ శ్రీనివాస్ తిట్టినా కూడా, లేదు సార్ నాకు ఈ ఫీల్డ్ అంటేనే చాలా ఇష్టం అని వాడని ఆయన అన్నారు. ఆ తర్వాత ఆంధ్ర జ్యోతిలో పలు కథలు రచనలు రాస్తూ ఆ విధంగా రోజుకో మెట్టు ప్రస్తుతం ప్రముఖ దర్శకులలో ఒకడిగా త్రివిక్రమ్ శ్రీనివాస్ ఉన్నాడంటూ గణపతిరావు వివరించారు.