Sukumar Daughter: సినిమా ఇండస్ట్రీలో ఎంతో ప్రతిష్ఠాత్మకంగా భావించే జాతీయ చలన చిత్ర పురస్కారాలను కేంద్రం ఇటీవలే ప్రకటించిన విషయం తెలిసిందే. అయితే ఇందులో తెలుగు సినిమా పరిశ్రమకు మొత్తం ఏడు పురస్కారాలు దక్కాయి. ఈ అవార్డుల్లో భాగంగా టాలీవుడ్ క్రియేటివ్ డైరెక్టర్ సుకుమార్ కూతురు సుకృతి వేణి బెస్ట్ ఛైల్డ్ ఆర్టిస్ట్ గా పురస్కారానికి ఎంపిక అయ్యింది. గాంధీ తాత చెట్టు సినిమాకు గాను సుకృతి వేణికి ఈ ప్రతిష్ఠాత్మకమైన అవార్డు లభించింది.
ఈ నేపథ్యంలోనే తాజాగా ఆదివారం సుకుమార్ ఇంట్లో గ్రాండ్ సెలబ్రేషన్స్ జరిగాయి. కూతురికి మొదటి సినిమాకే అవార్డు రావడం పట్ల ఆనందం వ్యక్తం చేస్తూ సెలెబ్రేషన్స్ చేసుకున్నారు. ఈ వేడుకలకు సుకృతి తండ్రి, స్టార్ డైరెక్టర్ సుకుమార్, తల్లి బబితా సుకుమార్ తో పాటు ఇతర కుటుంబ సభ్యులు పాల్గొన్నారు. అయితే ఈ వేడుకలకు సంబంధించిన ఫొటోలను తమ సోషల్ మీడియా ఖాతాల్లో షేర్ చేశారు సుకుమార్ కుటుంబ సభ్యులు. దీంతో ప్రస్తుతం ఈ ఫొటోలు సోషల్ మీడియాలో తెగ వైరల్ అవుతున్నాయి. ఈ ఫోటోస్ చూసిన సుకుమార్ ఫ్యాన్స్ ఆయన కూతురికి శుభాకాంక్షలు చెబుతున్నారు.
ఇకపోతే సుకృతి నటించిన గాంధీ తాత చెట్టు సినిమా విషయానికి వస్తే.. మల్లాది పద్మావతి తెరకెక్కించిన ఈ సినిమాలో సుకృతి వేణితో పాటు ఆనంద్ చక్రపాణి, రఘురామ్, భాను ప్రకాష్, నేహాల్ ఆనంద్ కుంకుమ, రాగ్ మయూర్ తదితరులు కీలక పాత్రల్లో నటించారు. ఈ ఏడాది ప్రారంభంలో థియేటర్లలో విడుదలైన ఈ మూవీ ప్రస్తుతం అమెజాన్ ప్రైమ్ వీడియోతో పాటు ఈటీవీ విన్ లోనూ స్ట్రీమింగ్ అవుతోంది.
Sukumar Daughter: సుకుమార్ కూతురికి జాతీయ అవార్డు.. గ్రాండ్ గా సెలబ్రేట్ చేసిన ఫ్యామిలీ.. ఫోటోస్ వైరల్!
