Rajendraprasaad: రేలంగి నరసింహారావు డైరెక్షన్లో పెళ్ళానికి ప్రేమలేఖ ప్రియురాలికి శుభలేఖ షూటింగ్ కోసం వైజాగ్ వెళ్లామని దర్శకుడు నందం హరిశ్చంద్రరావు చెప్పారు. అక్కడ బీచ్లో మొదటిరోజు షూటింగ్ ప్రారంభమైందని అక్కడ హీరో రాజేంద్రప్రసాద్కి తాను డైలాగ్ చెప్పి సైలెంట్ అయ్యానని, ఆయన అప్పటికే ఏదో మూడ్లో ఉన్నారని అర్థమై డైలాగ్ చెప్పడం ఆపేశానని ఆయన అన్నారు. ఆయన వెంటనే ఎందుకు మధ్యలో ఆపేశారు అంటూ సీరియస్ అయ్యారని ఆయన చెప్పారు. దానికి తాను మీకు ఎన్నిసార్లు కావాలంటే అన్నిసార్లు డైలాగ్ చెప్తానన్నా కూడా.. ఆయన అక్కడితో ఆగకుండా ఏంటి మీరు చెప్పేది. డైలాగ్ మీరు ఆపకుండా చెప్తూనే ఉండాలి అనే ఏదేదో అన్నారని హరిశ్చంద్ర రావు తెలిపారు. దానితో ఆగకుండా తాను పని చేయకూడదని, షూటింగ్లో ఉండకూడదనే నియమం పెట్టారని ఆయన చెప్పారు. ఆ సినిమాకు నిర్మాతగా వ్యవహరిస్తోన్న వడ్డే రమేశ్, ఇంకా మిగతా వాళ్లు కలిసి ఒక మీటింగ్ ఏర్పాటు చేశారని ఆయన అన్నారు.
ఇకపోతే తాను ఏ తప్పూ చేయలేదని ఆక్కడ అందరికీ తెలుసని హరిశ్చంద్ర రావు అన్నారు. అంతే కాకుండా హరిశ్చంద్రరావు ఉండకూడదని పట్టుబడ్డారు నేను షూటింగ్ లో ఉంటే అతను షూటింగ్ కి రానని తేల్చి చెప్పారు. నేను కూడా మానేయాలి అని రేలంగి నరసింహారావు ఆ మీటింగ్లో అన్నారని ఆయన చెప్పారు. అంటే ఆయన అర్థం కెప్టెన్గా ఆయన్ని తీసివేస్తే నేను ఉండకూడదని ఆయన అన్నట్టు హరిశ్చంద్రరావు తెలిపారు. వడ్డే రమేశ్ కూడా అదే నిర్ణయంపై ఉన్నారని ఆయన చెప్పారు. ఆయన కూడా ఇదేమన్నా పెద్ద తప్పా ఆయన్ని తీసివేయడానికి, ఈగో ప్రాబ్లమ్స్ అని, కాబట్టి ఆ కారణం చేత ఒక టెక్నీషియన్ను తీసివేయడం కరెక్ట్ కాదని వాళ్లు కూడా వాదించినట్టు ఆయన తెలిపారు.
ఇదంతా జరిగిన తర్వాత హీరో రాజేంద్రప్రసాద్ కూడా కన్విన్స్ అయ్యారని, జరిగిందేదో జరిగిపోయింది. ఇక అన్నీ అనవసరం. నేను కూడా దాని గురించి ఇక మాట్లాడను. రండి షూటింగ్ చేద్దామని ఆయన అన్నట్టు హరిశ్చంద్రరావు వివరించారు.