NNK 107: ఇటీవల విడుదలైన అఖండ సినిమా బాక్సాఫీస్ వద్ద ఘన విజయాన్ని సాధించి వసూళ్ల వర్షం కురిపించింది. అఖండ సినిమా సాధించిన విజయం వల్ల బాలకృష్ణ మంచి జోరు మీద ఉన్నారు. ప్రస్తుతం ఆయన ఆహా లో ప్రసారమయ్యే అన్స్టాపబుల్ షో కి హోస్ట్ గా వ్యవహరిస్తున్నాడు. ఈ షోలో బాలకృష్ణ సెలబ్రిటీలను ఇంటర్వ్యూ చేస్తూ వ్యక్తిగత విషయాల గురించి, సినిమాల గురించి చర్చిస్తూ వారితో సందడి చేస్తున్నారు. ప్రస్తుతం బాలకృష్ణ గోపీచంద్ మలినేని దర్శకత్వంలో రూపొందుతున్న చిత్రంలో నటించనున్నారు. ఈ సినిమాలో బాలకృష్ణ ఒక పోలీస్ ఆఫీసర్ గా అందరికీ కనిపించబోతున్నారు.
కరోనా కారణంగా ఈ సినిమా షూటింగ్ వాయిదా వేయవలసి వచ్చింది. తాజాగా గోపీచంద్ మలినేని, రవితేజ కాంబినేషన్లో వచ్చిన క్రాక్ సినిమా మంచి విజయాన్ని సొంతం చేసుకుంది. వీరిద్దరూ బాలకృష్ణ హోస్ట్ గా వ్యవహరిస్తున్న అన్స్టాపబుల్ షో కి విచ్చేసి సందడి చేశారు. ఈ షోలో బాలకృష్ణ 6 నెలలపాటు గోపినీ కలవద్దు అంటూ రవితేజకు స్వీట్ వార్నింగ్ ఇచ్చారు. గోపీచంద్ బాలకృష్ణ కాంబినేషన్ లో వస్తున్న సినిమా కరోనా కారణంగా షూటింగ్ ఆగిపోయిన సంక్రాంతి తర్వాత షూటింగ్ పనులు వేగవంతం చేయాలని,6 నెలలో సినిమా షూటింగ్ పూర్తి చేయాలని బాలకృష్ణ ఫిక్స్ అయిపోయారు.
ఈ సినిమా వేటపాలెం నేపథ్యంలో నిర్మించబోతున్నారు
ఈ సినిమాలు హీరోయిన్ గా శృతి హాసన్ నటించనుంది. తమన్ ఈ సినిమాకు సంగీతాన్ని అందించనున్నారు. 50 కోట్ల రూపాయల బడ్జెట్ తో మైత్రి మూవీ మేకర్స్ ఈ సినిమాను నిర్మించబోతోందీ. ఈ సినిమా టైటిల్ విషయానికి వస్తే బాలకృష్ణ ఇమేజ్ కి సరిపడేలా ఒక ఫర్ఫెక్ట్ టైటిల్ ను పరిశీలిస్తున్నారు. 25 సంవత్సరాల క్రితం వచ్చిన పెద్దన్నయ్య సినిమా మా మంచి విజయం సొంతం చేసుకుంది. ప్రస్తుతం బాలకృష్ణ గోపీచంద్ దర్శకత్వంలో నటించబోయే సినిమాకు పెద్దన్నయ్య అనే టైటిల్ పర్ఫెక్ట్ గా సెట్ అవుతుందని దర్శక నిర్మాతలు భావిస్తున్నారు. ఈ సినిమా రెగ్యులర్ షూటింగ్ ఫిబ్రవరి నుండి మొదలయ్యే అవకాశాలు ఉన్నాయని భావిస్తున్నారు.