Allu Arjun: ఐకాన్ స్టార్ అల్లు అర్జున్ , క్రియేటివ్ డైరెక్టర్ సుకుమార్ దర్శకత్వంలో వచ్చిన పాన్ ఇండియా మూవీ ” పుష్ప” సినిమా సూపర్ హిట్ అయిన సంగతి అందరికీ తెలిసిన విషయమే.. ఐకాన్ స్టార్ అల్లు అర్జున్ , సుకుమార్ దర్శకత్వంలో వచ్చిన ” ఆర్య ” ,” ఆర్య 2″ ‘పుష్ప ‘ బాక్సాఫీస్ వద్ద ఘన విజయం సాధించాయి.
పుష్ప సినిమా మంచి విజయాన్ని అందుకుంది. ఈ సందర్భంగా సినిమా యూనిట్ అంతా కలిసి ” థాంక్స్ మీట్ ” ఏర్పాటు చేశారు. ‘ థాంక్యూ మీట్ ‘ లో బన్నీ మాట్లాడుతూ సుకుమార్ లేకపోతే తన జీవితమే వేరేలా ఉండేదని ఎమోషనల్ అయ్యాడు. బన్నీ మాట్లాడుతూ జీవితంలో తను రుణపడి వ్యక్తులలో తన తాతయ్య అల్లు రామలంగయ్య గారు , తన తల్లిదండ్రులు, తనని మొదటి నుండి ఎంకరేజ్ చేసిన తన మామయ్య చిరంజీవి, తర్వాత సుకుమార్ గారికి తననెంతో రుణపడి ఉంటానని చెప్పుకొచ్చారు. తన జీవితంలో ముఖ్యమైన వ్యక్తులలో సుకుమార్ కూడా ఒకరని భావోద్వేగానికి లోనయ్యారు.
సుకుమార్ లేకపోతే తన జీవితంలో ” ఆర్య “సినిమా ఉండేది కాదని ఆర్య సినిమా లేకపోతే తన జీవితం ఇలా ఉండేది కాదని మరొక మారు గుర్తు చేసుకున్నారు.. బన్నీ మాటలకి సుకుమార్ కూడా భావోద్వేగానికి లోనై కంట నీరు పెట్టుకుంటే పక్కన ఉన్న వారు సుకుమార్ నీ ఓదార్చే ప్రయత్నం చేశారు. బన్నీ , సుకుమార్ కాంబినేషన్ లో వచ్చిన హ్యాట్రిక్ మూవీ ” పుష్ప ” ఘన విజయం సాధించినందుకు సుకుమార్ ఆనందం వ్యక్తం చేస్తూ యూనిట్ సభ్యులందరికీ పేరుపేరునా కృతజ్ఞతలు తెలిపారు.