NTR – RRR – Pre Release: రాజమౌళి దర్శకత్వంలో ఎన్టీఆర్, రామ్ చరణ్ హీరోలుగా నటించిన చిత్రం RRR ఈ సినిమా జనవరి 7వ తేదీ ప్రేక్షకుల ముందుకు రానున్న నేపథ్యంలో అన్ని రాష్ట్రాలలోనూ పెద్దఎత్తున ప్రమోషన్ కార్యక్రమాలను నిర్వహించారు. ఈ క్రమంలోనే చిత్రబృందం కేరళలో ప్రమోషన్ కార్యక్రమాలను చేపట్టారు. ఈ కార్యక్రమంలో భాగంగా చరణ్ తారక్ మాట్లాడిన మాటలు ప్రతి ఒక్క అభిమానిని ఎంతగానో ఆకట్టుకున్నాయి.
ఈ సందర్భంగా చరణ్ మాట్లాడుతూ.. నాలో సగ భాగం నా బ్రదర్ తారక్.. తనే లేకపోతే ఈ సినిమా వచ్చేది కాదు అంటూ రామ్ చరణ్ ఎన్టీఆర్ గురించి ఎంతో గొప్పగా చెబుతూ ఎమోషనల్ అయ్యారు. రామ్ చరణ్ మాట్లాడిన తర్వాత ఎన్టీఆర్ చరణ్ గురించి ఎంతో అద్భుతంగా మాట్లాడారు. ఈ సందర్భంగా ఎన్టీఆర్ మాట్లాడుతూ… నా బ్రదర్ నాలో సగభాగం అందులో చరణ్ ఎడమ భాగం.. ఎందుకంటే నా గుండె ఎడమవైపు ఉంటుంది. మా స్నేహం ఈసినిమాతో మొదలైంది కాదు మా స్నేహం చూసి ఈ సినిమాలో అవకాశం ఇచ్చారని ఎన్టీఆర్ చరణ్ గురించి చెప్పారు.
మా బంధం ఇంతటితోనే కాకుండా ఎప్పటికీ ఇలాగే ఉండాలని కోరుకుంటున్నాను నా బ్రదర్ తో కలిసి రెండు వందల రోజులు కలిసి పనిచేసే అవకాశం ఇచ్చినందుకు ఆ భగవంతుడికి ప్రత్యేక కృతజ్ఞతలు అంటూ ఎన్టీఆర్ రామ్ చరణ్ గురించి చెప్పడంతో ఒక్కసారిగా చరణ్ వెనక నుంచి వచ్చి ఎన్టీఆర్ ను హగ్ చేసుకున్నారు. ఇలా వీరి మధ్య ఉన్న స్నేహబంధం చూసి అభిమానులు పెద్ద ఎత్తున కేకలు వేస్తూ సంతోషాన్ని వ్యక్తపరిచారు.