Shekhar Kammula:టాలీవుడ్ ఇండస్ట్రీలో డైరెక్టర్ శేఖర్ కమ్ముల గురించి ప్రత్యేకంగా చెప్పాల్సిన పనిలేదు. ఈయన సినిమాలు ప్రతి ఒక్క ప్రేక్షకుడిని ఆకట్టుకునే విధంగా ఎంతో అద్భుతంగా ఉంటాయి.కొత్తవాళ్లతో ప్రయోగాలు చేస్తూ ప్రతి ఒక్క ప్రేక్షకుడిని ఎంతో ఆకట్టుకునే విధంగా ఆయన సినిమాలు ఉంటాయని ప్రత్యేకంగా చెప్పాల్సిన పని లేదు.డాలర్ డ్రీమ్స్ అనే సినిమాతో వెండితెరకు పరిచయమైన శేఖర్ కమ్ముల నేడు పుట్టినరోజు జరుపుకుంటున్న సందర్భంగా పెద్దఎత్తున పుట్టినరోజు శుభాకాంక్షలు తెలియజేస్తున్నారు.
ఈ సందర్భంగా శేఖర్ కమ్ముల గురించి మాట్లాడుతూ ఆయన సినీ కెరీర్ ఎలా గడిచింది ఆయన ఎలాంటి అవార్డులను సొంతం చేసుకున్నారు…అతనికి ఎన్ని నంది అవార్డులు వచ్చాయనే విషయానికి వస్తే డైరెక్టర్ శేఖర్ కమ్ముల దర్శకత్వంలో పాపి కొండల నడుమ ఉప్పొంగే గోదావరిలో ఈయన ఎంతో అద్భుతంగా తెరకెక్కించిన చిత్రం గోదావరి.ఈ సినిమా ఎంతో మంచి విజయాన్ని అందుకోవడంతో ఈ సినిమాకు డైరెక్టర్ శేఖర్ కమ్ములకు నంది అవార్డు వచ్చింది.
అదేవిధంగా ఈయన దర్శకత్వంలో వచ్చిన మరో సినిమా లీడర్.రాజకీయ నేపథ్యంలో తెరకెక్కిన ఈ చిత్రానికి కూడా శేఖర్ కమ్ముల నంది అవార్డును సొంతం చేసుకున్నారు. ఈ విధంగా శేఖర్ కమ్ముల తన కెరీర్లో రెండు నందులను దక్కించుకున్నారని చెప్పవచ్చు. ఇక కాలేజీ స్టూడెంట్ కథ ఆధారంగా తెరకెక్కిన హ్యాపీడేస్ చిత్రానికి కూడా ఫిలింఫేర్ అవార్డు రావడం విశేషం. ఇక తాజాగా శేఖర్ కమ్ముల దర్శకత్వంలో నాగచైతన్య సాయి పల్లవి జంటగా నటించిన లవ్ స్టోరీ సినిమా కూడా మంచి విజయాన్ని అందుకున్న సంగతి తెలిసిందే.