Bramhanda: రాంబాబు దర్శకత్వంలో దాసరి సురేష్ నిర్మిస్తున్న సినిమా బ్రహ్మాండ. ఈ మూవీ ఒగ్గు కళాకారుల నేపథ్యంలో, వారి సాంస్కృతి సాంప్రదాయాలపై తెరకెక్కుతున్న విషయం తెలిసిందే. ఇందులో సీనియర్ నటి ఆమని ప్రధాన పాత్రలో నటించారు. మమత ప్రొడక్షన్స్ బ్యానర్ పై దాసరి సురేష్ నిర్మించారు. ఇది కూడా తెలంగాణ నేపథ్యంలో సాగే భావోద్వేగ భరితమైన సినిమా. బ్రహ్మాండ సినిమా ఆగస్టు 22న రిలీజ్ కానుంది.
నేడు ఈ సినిమా ప్రెస్ మీట్ నిర్వహించారు. ఈ సినిమా డివోషనల్ యాక్షన్ థ్రిల్లర్ గా ఉంటుందని ఈ సినిమా హీరో బన్నీరాజు తెలిపారు. ఇటీవల బ్రహ్మాండ సినిమా నుండి ఏమైనాదే పిల్ల.. అంటూ సాగే లిరికల్ సాంగ్ ని విడుదల చేసారు మేకర్స్. ఈ పాటను వరికుప్పల యాదగిరి రాసి సంగీతం అందించగా యాదగిరి, శ్రీయ మాధురి పాడారు. ప్రస్తుతం ఈ పాట యూట్యూబ్ లో దూసుకుపోతోంది.
కాగా ఈ సినిమాలో ఆమని తో పాటు జయరాం, కొమరం బన్నీ రాజ్, జోగిని శ్యామల, విజయ రంగరాజు, కనిక వాద్య, ఆనంద్ భారతి, దిల్ రమేష్, అమిత్, చత్రపతి శేఖర్ పలువురు కీలక పాత్రల్లో నటిస్తున్నారు. త్వరలోనే ట్రైలర్ రిలీజ్ చేయనున్నారు. కాగా ఇప్పటికే ఈ సినిమా నుంచి విడుదల అయినా అప్డేట్స్ సినిమాపై అంచనాలను భారీగా పెంచేసాయి.
Bramhanda: బ్రహ్మాండ మూవీ నుంచి లిరికల్ సాంగ్ రిలీజ్.. వీడియో వైరల్!
