ప్రస్తుతం సినీ ప్రియులందరి నోటా పుష్ప 2 ట్రైలర్ గురించే మాటలు వినిపిస్తున్నాయి. ఈ సినిమా ట్రైలర్ అభిమానులకి ఓ రేంజ్ లో ఊపునిస్తోంది. మొన్నటి వరకు పాన్ ఇండియా మూవీ అనుకున్నారు కానీ ట్రైలర్ కి వచ్చిన రెస్పాన్స్ చూసి ఇంటర్నేషనల్ లెవెల్ లో ఫైర్ ఉంటుందని రచ్చ చేస్తున్నారు పుష్పరాజ్ అభిమానులు. ఈ సినిమాకి ఇప్పటికే 1065 కోట్ల రూపాయల ప్రీ రిలీజ్ బిజినెస్ జరిగింది.
ఇండియాలోనే రిలీజ్ కి ముందు అత్యధిక బిజినెస్ జరిగిన చిత్రంగా రికార్డు క్రియేట్ చేసింది పుష్ప 2. ట్రైలర్ లో అల్లు అర్జున్ డైలాగ్స్ కి, భారీ యాక్షన్ సీన్స్ కి పిచ్చెక్కిపోతున్నారు ఫ్యాన్స్. అలాగే ట్రైలర్ లో అలరించిన మరొక క్యారెక్టర్ అరగుండు. అతని వేషం చూస్తుంటే జాతరలో అతనికి ఏదో అవమానం జరిగినట్లు తెలుస్తోంది. అయినా కూడా అతడు నవ్వుతూ కనిపిస్తున్నాడంటే ఆ సీన్ సినిమాకే టర్నింగ్ పాయింట్ లా అనిపిస్తుంది. దాంతో ఆ క్యారెక్టర్ పై మరింత ఇంట్రెస్ట్ ఏర్పడింది ప్రేక్షకులకి.
ఇంతకీ ఆ పాత్ర ఏమిటి, ఆ యాక్టర్ ఎవరు, ఈ సినిమాలో అతను అందుకున్న రెమ్యూనరేషన్ ఎంత అనే విషయాలు చూద్దాం. ట్రైలర్ లో కేవలం రెండు సెకండ్ల పాటు కనిపించినా అరగుండుతో మంచి క్యూరియాసిటీని క్రియేట్ చేశాడు. మెడలో చెప్పుల దండతో ఆవేశంగా కనిపించిన ఈ పాత్ర స్టోరీలో బలమైన ప్రభావం చూపించబోతుందంట. అలాంటి ఒక బలమైన పాత్రని పోషించిన ఆ నటుడి పేరు తారక్ పొన్నప్ప. కన్నడలో ఫేమస్ యాక్టర్. కే జి ఎఫ్ వన్, టు సినిమాలలో నటించాడు.
ఇటీవలే దేవర సినిమాలో సైఫ్ అలీ ఖాన్ కొడుకు పాసురుడిగా నెగిటివ్ షెడ్ లో నటించి మంచి ఫేమస్ అయ్యాడు. పుష్ప 2 సినిమాలో కూడా తన క్యారెక్టర్ కి ఒక ప్రాముఖ్యత ఉంటుందని, అయితే స్క్రీన్ టైం పరిమితంగా ఉంటుందని చెప్పుకొచ్చాడు తారక్ పొన్నప్ప.ఈ పాత్ర కోసం అతను 50 లక్షలు రెమ్యూనరేషన్ తీసుకున్నట్లు సమాచారం. ప్రస్తుతం వరుస విజయాలతో మరిన్ని ప్రాజెక్టులతో ముందుకు దూసుకుపోతున్నాడు తారక్ పొన్నప్ప.