అక్కినేని వారసుడిగా ఇండస్ట్రీలో అడుగుపెట్టిన మరొక హీరో సుశాంత్. కరెంట్ సినిమా ద్వారా హీరోగా ఇండస్ట్రీకి పరిచయమైన సుశాంత్ మొదటి సినిమాతోనే మంచి హిట్ అందుకున్నాడు. ఈ సినిమాతో హీరోగా సుశాంత్ కి మంచి గుర్తింపు లభించింది. అయితే ఆ సినిమా తర్వాత సుశాంత్ నటించిన సినిమాలు హిట్ అందుకోలేకపోయాయి. దాంతో సుశాంత్ కొంతకాలం బ్రేక్ తీసుకున్నాడు. ఆ తర్వాత మళ్లీ అల్లు అర్జున్ హీరోగా నటించిన అలా వైకుంఠపురం సినిమాలో సెకండ్ హీరోగా ఎంట్రీ ఇచ్చాడు.
ఈ సినిమా బ్లాక్ బస్టర్ హిట్ అయ్యింది. అయినప్పటికీ సుశాంత్ కి మాత్రం ఈ సినిమా ద్వారా మంచి బ్రేక్ రాలేదు. ఆ సినిమా తర్వత చి. ల. సౌ, నో పార్కింగ్ సినిమాలు వచ్చినప్పటికీ సుశాంత్ మంచి హిట్ అందుకోలేకపోయాడు. ప్రస్తుతం సుశాంత్ మాస్ మహారాజ్ రవితేజ హీరోగా నటిస్తున్న సినిమాలో నెగటివ్ పాత్రలో కనిపించనున్నాడు. ఇక సుశాంత్ ఇలా వెండితెర మీద మాత్రమే కాకుండా డిజిటల్ స్క్రీన్ మీద కూడా సందడి చేయనున్నాడు. ప్రస్తుతం సుశాంత్ మా నీళ్ల ట్యాంక్ అనే ఒక వెబ్ సిరీస్ లో నటిస్తున్నాడు. తాజాగా ఈ వెబ్ సిరీస్ కి సంబంధించిన ఫ్రీ రిలీజ్ ఈవెంట్ హైదరాబాద్ లో చాలా గ్రాండ్ గా జరిగింది. ఈ ఫ్రీ రిలీజ్ ఈవెంట్ లో సుశాంత్ ఎన్నో ఆసక్తికర విషయాలను వెల్లడించాడు.
ఈ క్రమంలో సుశాంత్ మాట్లాడుతూ.. నేను మొదటిసారిగా వెబ్ సిరీస్ లో నటిస్తున్నాను. ఈ వెబ్ సిరీస్ డైరెక్టర్ లక్ష్మీ సౌజన్య గారు నాకు స్క్రిప్ట్ ఇచ్చి ఒక 8 ఎపిసోడ్ లకి సంబంధించిన స్క్రిప్ట్ చదవమని చెప్పారు. ఈ స్క్రిప్ట్ చదివిన నేను బాగా కనెక్ట్ అయ్యి వెబ్ సిరీస్ లో నటించటానికి గ్రీన్ సిగ్నల్ ఇచ్చాను. మొదటి సారి రూరల్ బ్యాక్ డ్రాప్ లో పోలీస్ ఆఫీసర్ పాత్రలో నటించాను. ఈ వెబ్ సిరీస్ లో నేను చాలా వెటకారంగా, సరదాగా ఉండే వంశీ క్యారెక్టర్ లో చాలా ఎంజాయ్ చేస్తూ నటించాను. ఇప్పటి వరకు ఇలాంటి ఓపెనప్ క్యారెక్టర్ చేయలేదు. ఈ వెబ్ సిరీస్ లో నేను చాలా ఓపెనప్ అవ్వాల్సి వచ్చింది. ఇప్పటి వరకు నేను చేసిన ఫిలిమోగ్రఫీలో “మా నీళ్ల ట్యాంక్” ఉంటుందని నేను గర్వంగా చెప్పగలను అంటూ సుశాంత్ వెల్లడించాడు.