ఇద్దరు పెద్ద కుటుంబాల నుంచి వచ్చిన ఇద్దరు పెద్ద స్టార్స్ యంగ్ టైగర్ ఎన్టీఆర్ మరియు మెగాపవర్ స్టార్ రామ్ చరణ్ లు లాంటి వారు ఓ సినిమా తీస్తున్నారు అంటే ఆ ఊహ వేరే స్థాయిలో ఉంటుంది. మరి అందుకు తగ్గట్టుగానే ఇద్దరి పై దర్శకుడు రాజమౌళి తీసిన మెగా సెన్సేషనల్ హిట్ ట్రిపుల్ ఆర్(RRR) ప్రపంచ వ్యాప్తంగా సెన్సేషన్ గా మారుతుంది.
అయితే ఈ సినిమా పుణ్యమా అని ఇద్దరు హీరోలకి కూడా భారీ గుర్తింపు వచ్చింది. పైగా ఇద్దరు హీరోలు కూడా సినిమాలో తమ కెరీర్ బెస్ట్ పెర్ఫామెన్స్ ని అందించారు. అయితే ఓపెన్ గా చెప్పుకోవాలి అంటే ఈ సినిమాలో ఇద్దరు హీరోలు ఉన్నా పెద్ద వాడు అయిన అల్లూరి సీతారామరాజు పాత్రే మెయిన్ హీరో అని అందరికీ అర్ధం అయ్యింది.
ఈ విషయంలో సినిమా రిలీజ్ అయ్యాక ఎన్టీఆర్ ఫ్యాన్స్ రాజమౌళిపై చేసిన రచ్చ కూడా అంతా ఇంతా కాదు. కానీ లేటెస్ట్ గా ప్రపంచ దిగ్గజ మ్యాగ్జైన్ సంస్థ వెరైటీ వారు తమ ఊహాజనిత లిస్ట్ గా ఆస్కార్ లో ఈ సినిమా నటుడు జూనియర్ ఎన్టీఆర్ కి ఉత్తమ నటుడుగా అవార్డు రావచ్చని ఊహించారు.
దీనితో ఒక్కసారిగా మళ్ళీ రచ్చ స్టార్ట్ అయ్యింది. ఎలా చూసుకున్నా కూడా ఎన్టీఆర్ కన్నా చరణ్ రోల్ సినిమాలో బాగా హైలైట్ అయ్యింది. దీనితో ఎన్టీఆర్ ఒకడి పేరే నామినేట్ చేయడంతో మెగా ఫ్యాన్స్ కూడా అసంతృప్తి వ్యక్తం చేస్తున్నారు.
కానీ ఈ సంస్థ అయితే పారదర్శకంగానే ఉంటుంది అని వారు చెప్పారు అంటే ఎన్టీఆర్ రేంజ్ ఈ లెవెల్లో ఉంది అని ఎన్టీఆర్ ఫ్యాన్స్ అంటున్నారు. ఏది ఏమైనప్పటికీ మాత్రం ఈ ఒక్క అంశం కాస్త డిఫికల్టీగా మారింది అని చెప్పాలి.