ముఖ్యమంత్రి కె చంద్రశేఖర్ రావు నేటి ఎన్నికల ప్రచార కార్యక్రమం. ఈ రోజు ఆయన మహబూబ్‌నగర్, నల్లగొండ, యాదాద్రి భువనగిరి, మెదక్ జిల్లాల్లో పర్యటిస్తున్నారు. ఉదయం 11 గంటలకు హెలికాప్టర్ లో మహబూబ్‌నగర్ జిల్లా జడ్చర్లకు చేరుకుని బహిరంగసభలో ప్రసంగిస్తారు. తర్వాత నల్లగొండ జిల్లాలోని దేవరకొండ, నకిరేకల్ సభల్లో ముఖ్యమంత్రి పాల్గొంటారు. జడ్చర్ల నుంచి దేవరకొండకు మధ్యాహ్నం 12 గంటలకు చేరుకుంటారు. అక్కడ ముదిగొండరోడ్డులోని మిషన్‌కాంపౌండ్‌లో జరిగే సభలో ప్రసంగిస్తారు.తర్వాత దేవరకొండ నుంచి సీఎం కేసీఆర్ నకిరేకల్‌కు వస్తారు. అక్కడి సాయిబాబా గుడి సమీపాన ఉన్న మినీస్టేడియంలో సీఎం సభ జరుగుతుంది.
అనంతరం ముఖ్యమంత్రి భువనగిరి జిల్లా కేంద్రానికి చేరుకుని జూనియర్ కళాశాల ప్రాంగణంలో ఏర్పాటుచేసిన సభలో ఎన్నికల ప్రసంగం చేస్తారు. ఆ పైన సాయంత్రం మెదక్ జిల్లా కేంద్రంలో నిర్వహించే సభకు సీఎం కేసీఆర్ హాజరవుతారు. అక్కడ ఆయన టీఆర్‌ఎస్ అభ్యర్థి పద్మాదేవేందర్‌రెడ్డి తరఫున ఎన్నికల ప్రచారం నిర్వహిస్తారు.
ఈ రోజు సిఎం కెసియార్ ఎన్నికల ప్రచార ప్రోగ్రాం ఇదే
