Prabhas: సినీ ఇండస్ట్రీలో స్టార్ హీరోగా ఎంతో మంచి గుర్తింపు సంపాదించుకున్న వారిలో ప్రభాస్ ఒకరు. ఈయన కృష్ణంరాజు వారసుడిగా ఇండస్ట్రీలోకి అడుగు పెట్టిన తనకంటూ ఎంతో మంచి క్రేజ్ సొంతం చేసుకున్నారు. ఇలా నటుడిగా తెలుగు చిత్ర పరిశ్రమలో మాత్రమే కాకుండా బాహుబలి సినిమాతో పాన్ ఇండియా స్థాయిలో మంచి గుర్తింపు సంపాదించుకున్నారు.
ఇక ప్రభాస్ కేవలం మన ఇండియాలో మాత్రమే కాకుండా ఇతర దేశాలలో కూడా వీరాభిమానులు ఉన్నారని చెప్పాలి సాధారణంగా ఒక హీరోపై అభిమానం ఉంటే ఆ హీరో పేరుతో ఎన్నో సేవా కార్యక్రమాలను చేస్తూ ఉంటారు అయితే తాజాగా ప్రభాస్ పేరుతో ఏకంగా ఒక ఊరే ఉందని సోషల్ మీడియాలో ఒక వార్త వైరల్ అవుతుంది. మరి ప్రభాస్ పై ఉన్న ప్రేమతో ఆ వూరికి ఆ పేరు పెట్టారా లేకపోతే మొదటి నుంచి కూడా ఆ ఊరికి ప్రభాస్ అని పేరు ఉందా అసలు ఈ ఊరు ఎక్కడుంది ఏంటి అనే విషయానికి వస్తే..
రీసెంట్ టైంలో తెలుగు కుర్రాళ్లు చాలామంది యూట్యూబ్ వీడియోలు, మోటో వ్లాగింగ్ చేస్తున్నారు. అలా ఓ తెలుగు యువకుడు.. నేపాల్ లో పర్యటిస్తున్నాడు. అక్కడ అనుకోకుండా ప్రభాస్ పేరుతో ఉన్న ఓ ఊరి బోర్డ్ కనిపించడంతో వెంటనే ఆ కుర్రాడు వీడియో చేసి సోషల్ మీడియాలో షేర్ చేయడంతో ఇది కాస్త వైరల్ అవుతుంది.
నిజానికి ప్రభాస్ పై అభిమానంతో ఆ వూరికి ఈ పేరు పెట్టలేదని తెలుస్తోంది మొదటినుంచి కూడా ఆ ఊరికి ప్రభాస్ అని పేరు ఉండేదట. ఇలా డార్లింగ్ ప్రభాస్ పేరుతో ఒక గ్రామానికి పేరు ఉంది అనే విషయం తెలిసిన ప్రభాస్ అభిమానులు ఎంతో సంతోషం వ్యక్తం చేస్తున్నారు. తమ అభిమాన హీరో పేరుతో ఏకంగా నేపాల్ లో ఒక గ్రామం ఉండటం తెలిసి అభిమానులు తెగ సంబరం వ్యక్తం చేస్తున్నారు. ఇక ప్రభాస్ సినిమాల విషయానికొస్తే మాత్రం ఈయన ప్రస్తుతం వరుస పాన్ ఇండియా సినిమాలతో ఎంతో బిజీగా గడుపుతున్నారు.