పాన్ ఇండియన్ టాప్ దర్శకుడు రాజమౌళి తన సినిమాలు ఏ రేంజ్ లో తెరకెక్కిస్తారో అదే విధంగా తన సినిమాలను ప్రేక్షకుల్లోకి కూడా అంతే స్థాయిలో తీసుకెళ్తారు. నెవర్ బిఫోర్ ప్రమోషన్స్ ని తన సినిమాలకు ప్లాన్ చేసి అన్ని ఇండస్ట్రీలలో కూడా మంచి అటెన్షన్ తీసుకొస్తాడు.
ఇక ఇప్పుడు తాను చేసిన భారీ సినిమా ట్రిపుల్ ఆర్(RRR) కి కూడా అలాంటి ప్లానింగ్స్ నే చేస్తున్నట్టు ఇండస్ట్రీలో టాక్ వినిపిస్తుంది. ఈ సినిమా గ్రాండ్ ప్రీ రిలీజ్ వేడుకని దుబాయ్ లో చేయబోతున్న సంగతి అందరికీ తెలిసిందే. మరి దీని కోసం బాలీవుడ్ కి చెందిన బడా స్టార్ కండల వీరుడు సల్మాన్ ఖాన్ ని ప్రత్యేక అతిధిగా పిలవనున్నాడట.
రీసెంట్ గానే రాజమౌళి సల్మాన్ ను కలవడానికి వెళ్లిన వార్తలు ఫోటోలు వైరల్ అయ్యాయి. అది ఇందుకోసమే అని ఇప్పుడు ఇండస్ట్రీ వర్గాలు చెబుతన్నాయి. సో ఇక బాలీవుడ్ మార్కెట్ లో తన సినిమాకి మంచి మైలేజీ వచ్చేసినట్టే అని చెప్పాలి.