NTR: యంగ్ టైగర్ ఎన్టీఆర్ కు ఇండస్ట్రీలో ఎంత ఫ్యాన్స్ ఫాలోయింగ్ ఉందో ప్రత్యేకంగా చెప్పాల్సిన పని లేదు. నందమూరి వారసుడు ఇండస్ట్రీలోకి అడుగుపెట్టి ఎన్నో సినిమాలలో నటిస్తూ మంచి ప్రేక్షకాదరణ దక్కించుకున్న ఎన్టీఆర్ ప్రస్తుతం ఆ చిత్రాలలో నటిస్తూ బిజీగా ఉన్నారు. ఇకపోతే ప్రస్తుతం ఎన్టీఆర్ ఎంతో స్లిమ్ గా, అందంగా ఉన్నారు కానీ ఒకానొక సమయంలో అధిక శరీర బరువు పెరిగి కాస్త బొద్దుగా ముద్దుగా ఉండేవాడు. ఈ క్రమంలోనే ఒక సినిమా కథను దర్శకుడు వివరిస్తే ఆ సినిమా తప్పకుండా చేయాలని ఎన్టీఆర్ చెప్పినపుడు ఆ డైరెక్టర్ మాత్రం ఈ సినిమా చేయాలంటే తప్పకుండా మీరు లావు తగ్గాలని ఎన్టీఆర్ మొహం మీద చెప్పినట్లు సమాచారం.
ఇంతకీ ఆ డైరెక్టర్ ఎవరు అని అనుకుంటున్నారా! అదేనండి తెలుగు సినిమా ఖ్యాతిని ప్రపంచానికి చాటి చెప్పిన దర్శకుడు ఎస్ ఎస్ రాజమౌళి. ఎన్టీఆర్, రాజమౌళి కాంబినేషన్ లో వచ్చిన ఎన్నో సినిమాలు బాక్సాఫీస్ వద్ద అద్భుతమైన రికార్డు సృష్టించాయి.ఈ క్రమంలోనే వీరిద్దరి కాంబినేషన్ లో స్టూడెంట్ నెంబర్ వన్, సింహాద్రి, యమదొంగ వంటి చిత్రాలు బాక్సాఫీస్ ను షేక్ చేశాయి. ఇదిలా ఉండగా యమదొంగ సినిమా కథ ఎన్టీఆర్ కి రాజమౌళి వివరించినప్పుడు తనకు బాగా నచ్చిందని ఈ సినిమా చేద్దామని సిద్ధమయ్యారు.
అయితే ఈ సినిమాలో ఎన్టీఆర్ నటించాలంటే తన శరీర బరువు తగ్గాలని జక్కన్న ఎన్టీఆర్ కి చెప్పడంతో తన మాటను ఎంతో గౌరవంగా భావించే ఎన్టీఆర్ ఈ సినిమాలో నటించడం కోసం సుమారు 30 కేజీల బరువు తగ్గినట్లు ఒకానొక సందర్భంలో వెల్లడించారు. ఇక ఈ సినిమా కూడా బాక్సాఫీస్ వద్ద మంచి విజయాన్ని అందుకుంది. ఈ క్రమంలోనే ప్రస్తుతం వీరి కాంబినేషన్లో పాన్ ఇండియా చిత్రంగా RRR సినిమా ద్వారా ప్రేక్షకుల ముందుకు రానున్నారు.