Sunil: అల్లు అర్జున్ సుకుమార్ దర్శకత్వంలో తెరకెక్కిన పుష్ప సినిమా గురించి ప్రత్యేకంగా చెప్పాల్సిన పనిలేదు. ఇందులో కమెడియన్ సునీల్ మంగళం సీను పాత్ర ద్వారా విలన్ గా ప్రేక్షకుల ముందుకు వచ్చారు. అయితే ఇందులో సునీల్ తన వయసు కన్నా ఎక్కువ వయసు వ్యక్తిగా కనిపించి ప్రేక్షకులను సందడి చేశారు. ఈ క్రమంలోనే ఈ సినిమా ప్రేక్షకుల ముందుకు వచ్చి మంచి ఆదరణ దక్కించుకుంది. ఇదిలా ఉండగా తాజాగా సునీల్ ఒక ఇంటర్వ్యూ లో పాల్గొని అల్లు అర్జున్ గురించి ఆసక్తికరమైన విషయాలను బయటపెట్టారు.
ఈ సినిమా షూటింగ్ మొత్తం పూర్తి కాగానే అల్లు అర్జున్ చిత్ర బృందానికి కానుకలు పంపించారని పెద్ద ఎత్తున వార్తలు వినిపించాయి. ఈ క్రమంలోనే సునీల్ ఆ కానుక గురించి మాట్లాడారు. అదే విధంగా చిత్ర బృందంలోని 12 మందికి 10 గ్రాముల గోల్డ్ రింగ్స్ బహుమతిగా అందించినట్లు వార్తలు చక్కర్లు కొట్టాయి. ఇక ఇంటర్వ్యూలో పాల్గొన్న సునీల్ కి ఇదే ప్రశ్నఎదురయింది అల్లుఅర్జున్ గోల్డ్ కాయిన్స్ గోల్డ్ రింగ్స్ బహుమతిగా ఇచ్చారని వార్తలలో ఎంతవరకు నిజం ఉంది అని ప్రశ్నించారు.
ఈ ప్రశ్నకు సునీల్ సమాధానం చెబుతూ ఆ వార్తలు నిజమే ఈ సినిమా షూటింగ్ పూర్తయిన తర్వాత అల్లు అర్జున్ చిత్ర బృందంలోని ప్రతి ఒక్కరికి గోల్డ్ కాయిన్స్,గోల్డ్ బిస్కెట్స్ బహుమతిగా పంపించారు ఆయన మనసు ఎంతో మంచిది అంటూ తన గురించి ఎంతో ఆసక్తికరమైన విషయాలను వెల్లడించారు. ఇక ఈ సినిమా డిసెంబర్ 17వ తేదీన ప్రేక్షకుల ముందుకు వచ్చి మంచి ఆదరణ దక్కించుకుంది.