NTR: రాజమౌళి దర్శకత్వంలో తెరకెక్కిన ఆర్ఆర్ఆర్ ఈ సినిమా గురించి ప్రత్యేకంగా చెప్పాల్సిన పనిలేదు. జనవరి 7వ తేదీ ఈ సినిమా ప్రేక్షకుల ముందుకు రాబోతున్న నేపథ్యంలో నేడు ఈ సినిమా నుంచి ట్రైలర్ విడుదల చేశారు. ఈ సందర్భంగా మేగ్నమ్ ఓపస్ మూవీ ‘ట్రిపుల్ ఆర్’ ట్రైలర్ ను విడుదల చేసింది. ఈ ట్రైలర్ ఈవెంట్ ముంబైలో ఎంతో ఘనంగా జరిగింది. ఈ కార్యక్రమానికి రాజమౌళి, ఎన్టీఆర్, అజయ్ దేవగన్, అలియాభట్, నిర్మాత డివివి దానయ్య వంటివారు హాజరయ్యారు. ఈ కార్యక్రమం ముగిసిన తర్వాత ఎన్టీఆర్ మీడియాతో మాట్లాడుతూ ఎన్నో ఆసక్తికరమైన విషయాలను వెల్లడించారు.
మీడియాతో ముచ్చటించిన ఎన్టీఆర్ అజయ్ దేవగన్ గురించి మాట్లాడుతూ అతనిపై తన అభిప్రాయాన్ని వెల్లడిస్తూ అజయ్ దేవగన్ పై ప్రశంసలు కురిపించారు. పొరపాటున కూడా అజయ్ దేవగన్ తో తమని పోల్చవద్దని ఆయన సీనియార్టీ ముందు మేమందరం కూడా చిన్నపిల్లల మేనని ఈ సందర్భంగా ఎన్టీఆర్ అజయ్ దేవగన్ గురించి వెల్లడించారు. కేవలం నటన పరంగా మాత్రమే కాకుండా వ్యక్తిగతంగా అజయ్ దేవగన్ ఎంతో మంచి మనసున్న వ్యక్తి అని ఈ సందర్భంగా ఎన్టీఆర్ తన గురించి తెలియజేశారు.
అజయ్ దేవగన్ ఎన్టీఆర్ నటించిన ‘ఫూల్ ఔర్ కాంటే’లో అజయ్ దేవగన్ ఎంట్రీ సీన్ గురించి మాట్లాడుతూ అది ఇప్పటికీ నా కళ్ల ముందు కదులుతోందనీ ఎన్టీఆర్ తెలిపారు. చిన్నప్పటి నుంచి తాత ఎన్టీఆర్ బాబాయ్ బాలకృష్ణ సినిమాలు చూస్తూ పెరిగిన నాకు తెరపై ఒక్కసారిగా అజయ్ దేవగన్ ను అలా చూసేసరికి మైండ్ బ్లాక్ అయ్యిందని తెలిపారు. ఇక ప్రస్తుతం ఆర్ఆర్ఆర్ సినిమాలో మా ఇద్దరి మధ్య ఎలాంటి సన్నివేశాలు లేకపోయినా షూటింగ్ జరిగే సమయంలో నేను వెళ్లి తన నటనను చూసేవాడిని మీడియా సమావేశంలో ఎన్టీఆర్ తన గురించి ఎంతో గొప్పగా చెప్పారు.