Nani: నాచురల్ స్టార్ నాని శ్యామ్ సింగరాయ్ ఈ సినిమాతో మంచి విజయం అందుకున్నాడు. శ్యామ్ సింగరాయ్ తర్వాత అంతే సుందరానికి సినిమా షూటింగ్ పార్ట్ పూర్తి చేసుకుని ప్రస్తుతం విరామం తీసుకున్నాడు. అంతే సుందరానికి సినిమా వేసవి కాలం విడుదలకు సిద్ధం చేస్తున్నారు. ఇదిలా ఉండగా నాని మరొక వైవిధ్య మైన సినిమాకు సంతకం చేశారు, ఈ సినిమాకి దసరా టైటిల్ ఖరారు చేశారు. శ్రీకాంత్ ఓడెల దీనికి దర్శకత్వం వహిస్తున్నారు. శ్రీకాంత్ ఇంతకు ముందు రంగస్థలం సినిమాకి గాను సుకుమార్ దగ్గర అసిస్టెంట్ డైరెక్టర్ గా పని చేస్తారు. ఈ సినిమాని పోయిన సంవత్సరం ప్రకటించగా ఈరోజు పూజా కార్యక్రమాలతో ప్రారంభించారు.
దసరా సినిమాలో హీరోయిన్ గా కీర్తి సురేష్ నటించనున్నారు. ఈరోజు పూజా కార్యక్రమంలో కూడా పాల్గొన్నారు. ఈ సినిమాకి సంగీత దర్శకుడిగా సంతోష్ నారాయణ్ చేయనున్నారు. ఎస్ ఎల్ వి బ్యానర్లో సుధాకర్ చెరుకూరి గారు ఈ సినిమాని సమర్పించనున్నారు. దసరా సినిమా షూటింగ్ మార్చి నెలలోమొదలుపెట్టి ఈ సంవత్సరం చివరికల్లా రిలీజ్ ప్లాన్ చేస్తున్నారు.ఈ సినిమా కోసం 12 కోట్లతో విలేజ్ సెట్ ని రూపొందించి ఎక్కువ శాతం సినిమాని అందులోనే పూర్తి చేయనున్నారు.
ఈరోజు ప్రారంభోత్సవం సందర్భంగా ఒక వీడియో పోస్టర్ రిలీజ్ చేశారు అందులో అందులో నాని పాత్ర విలక్షణంగా చూపించారు. ఈ వీడియో లో సినిమాకు సంబంధించి ఒక డైలాగ్ కూడా ఉంది. సింగరేణి ప్రాంతంలోని తెలంగాణ యాసకు సంబంధించిన డైలాగ్ ఇప్పుడు వైరల్ అవుతోంది. నాని చెప్పిన ఈ డైలాగ్” ఈ దసరా నిరుడు లేకుండది….. బాంచత… జమ్మి వెట్టి చెప్తానా బదదళ్ బాసింగలైతాయి…. ఎట్లయితే అట్లయితది సుసుకుందాం”, తో సినిమా మీద, ఈ సినిమాలో నాని క్యారెక్టర్ మీద అంచనాలు పెరిగాయి. ఈ సినిమా ఎలా ఉంటుందో చూడాలంటే ఇంకా వేచి ఉండాలి.