Mahesh Babu: ప్రస్తుతం మహేష్ బాబుపరశురామ్ దర్శకత్వం వహిస్తున్న “సర్కారు వారి పాట” సినిమా షూటింగ్ లో బిజీగా ఉన్నాడు. ఈ సినిమాలు కీర్తి సురేష్ కథానాయిక పాత్ర పోషించగా, ఎస్.ఎస్ తమన్ ఈ సినిమాకు సంగీతాన్ని అందించారు. ఈ సినిమా షూటింగ్ చివరి దశలో ఉన్నట్టు సమాచారం. ఈ సినిమా కోసం మహేష్ బాబు అభిమానులు ఎంతో కాలం నుండి ఆసక్తిగా ఎదురు చూస్తున్నారు. ఈ సినిమా నుండి రిలీజ్ అయినా కళావతి అనే పాట ప్రస్తుతం బాగా వైరల్ అయ్యింది.సర్కారు వారి పాట సినిమా తరువాత మహేష్ బాబు త్రివిక్రమ్ శ్రీనివాస్ దర్శకత్వంలో నటించనున్నాడు.
మహేష్ బాబు త్రివిక్రమ్ దర్శకత్వంలో ఇప్పటికే అతడు, కలేజా వంటి సినిమాలు మంచి విజయాన్ని సాధించాయి. చాలా కాలం తర్వాత మళ్లీ వీరిద్దరి కాంబినేషన్లో మూడవ సినిమా తెరకెక్కబోతోంది. వీరిద్దరి కాంబినేషన్ లో వస్తున్న ఈ సినిమాలో పూజా హెగ్డే కథానాయక పాత్రలో నటించనుంది. ఈ సినిమాలో ఒక ముఖ్యమైన పాత్రలో మలయాళం నటుడు మోహన్ లాల్ నటించనున్నట్టు సమాచారం. ఈ సినిమాలో మోహన్ లాల్ ఒక పవర్ఫుల్ రాష్ట్ర ముఖ్యమంత్రి పాత్రలో ప్రేక్షకులకు కనిపించనున్నారు.
మహేష్ బాబు హీరోగా త్రివిక్రమ్ దర్శకత్వంలో తెరకెక్కుతున్న ఈ సినిమా మంచి పొలిటికల్ థ్రిల్లర్ గా తెరకెక్కుతోందని సినీ వర్గాల సమాచారం.హారిక అండ్ హాసిని క్రియేషన్స్ లో ఈ సినిమాని భారీ బడ్జెట్ తో నిర్మిస్తున్నారు.మోహన్ లాల్ పాత్ర ఈ సినిమాలో హైలైట్ గా నిలుస్తుందని సమాచారం. మోహన్ లాల్ ఇప్పటికే జూనియర్ ఎన్టీఆర్ తో కలిసి జనతా గ్యారేజ్ సినిమాలో నటించారు. ఆ సినిమా మంచి విజయం సాధించడంతో మహేష్ బాబు సినిమా మీద ప్రేక్షకులు భారీ అంచనాలతో ఉన్నారు.