Manchu Lakshmi: అల్లు అర్జున్ క్రియేటివ్ డైరెక్టర్ సుకుమార్ దర్శకత్వంలో పాన్ ఇండియా స్థాయిలో తెరకెక్కిన ఈ సినిమా గురించి ప్రతి ఒక్కరికి తెలిసిందే. ఈ సినిమా అన్ని భాషలలో ఎంతో అద్భుతమైన కలెక్షన్లను రాబట్టి హిట్ టాక్ సొంతం చేసుకుంది. ఇదిలా ఉండగా అల్లు అర్జున్ పుష్ప సినిమా చూసిన ప్రేక్షకులు మాత్రమే కాకుండా పలువురు సెలబ్రిటీలు సైతం ప్రశంసలు కురిపించారు. ఈ క్రమంలోనే తాజాగా మంచు లక్ష్మి అల్లు అర్జున్ పుష్ప సినిమాపై ప్రశంసల వర్షం కురిపించారు.
ప్రస్తుతం మంచు లక్ష్మి కరోనా బారినపడి హోమ్ క్వారంటైన్ లో ఉన్నారు. ఈ క్రమంలోనే ఎన్నో సినిమాలను చూస్తూ కాలక్షేపం చేస్తున్న మంచు లక్ష్మి తాజాగా పుష్ప సినిమాని కూడా చూశారు. పుష్ప సినిమా చూసిన అనంతరం ఆమె సోషల్ మీడియా వేదికగా ఈ సినిమా పై ప్రశంసలు కురిపించారు.ఈ సందర్భంగా మంచు లక్ష్మి మాట్లాడుతూ పుష్ప సినిమా ఎంతో అద్భుతంగా ఉంది ముఖ్యంగా పుష్పరాజ్ పాత్రలో నటించిన అల్లు అర్జున్ చాలా బాగా నటించారని ఈ నటన ద్వారా తనకు సినిమాపై ఏ విధమైనటువంటి ఆసక్తి ఉందో అర్థమవుతోందని తెలియజేశారు.
What a fantastic riot #Pushpa was! @alluarjun hats off for picking a role so outside the box, I know how difficult it is for a hero of your image to bring in the characterisation for a movie like Pushpa. But this only shows your dedication and love for this art.
— Lakshmi Manchu (@LakshmiManchu) January 9, 2022
అలాగే హీరోయిన్ పాత్రలో నటించిన రష్మిక నటన కూడా అద్భుతంగా ఉందని ఇక సమంత ఐటమ్ సాంగ్ పై స్పందిస్తూ సమంత ఇరగదీసిందని తెలిపారు. ఈ సినిమాకు దేవి శ్రీ ప్రసాద్ మ్యూజిక్ తో మ్యాజిక్ చేశాడు అని,పుష్ప పై ప్రశంసలు కురిపించిన లక్ష్మీప్రసన్న పుష్ప 2 కోసం ఎంతో ఆతృతగా ఎదురు చూస్తున్నానని సోషల్ మీడియా వేదికగా ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది.