AA22 x A6: ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబోలో సన్ పిక్చర్స్ అంతర్జాతీయ స్థాయిలో సినిమాని నిర్మిస్తున్న సంగతి తెలిసిందే. ఈ ప్రాజెక్ట్ AA22 x A6 అంటూ ఇప్పటికే సోషల్ మీడియాలో ఓ ట్రెండ్ క్రియేట్ చేసింది. ఇక ఈ ప్రాజెక్ట్కి సంబంధించిన అప్డేట్ అల్లు అర్జున్ బర్త్ డే (ఏప్రిల్ 8) సందర్భంగా అందరినీ ఆశ్చర్యపర్చబోతోంది. ఈ క్రమంలోనే తాజాగా AA22 x A6 ప్రాజెక్ట్కి సంబంధించిన ప్రీ లుక్ పోస్టర్ను రిలీజ్ చేశారు.
ఈ ఒక్క పోస్టర్తోనే మేకర్స్ ప్రేక్షకులు, సినీ లవర్స్లో ఎన్నో అనుమానాల్ని, ఉత్సుకతను రేకెత్తించారు. ఆ హ్యాండ్ ఎవరిది? ఆ ఆకారం ఏంటి? అది ఎందుకు అలా మారింది? కథ ఎలా ఉండబోతోంది? అని ఇలా అందరిలో రకరకాల ప్రశ్నల్ని లేవనెత్తింది. ఈ ఒక్క ప్రీ లుక్ పోస్టర్ ఇప్పుడు సోషల్ మీడియాని షేక్ చేసేస్తోంది. రేపు ఉదయం 11 గంటలకు అసలు సిసలు అప్డేట్ రాబోతోందని మేకర్లు ప్రకటించారు. టైటిల్తో పాటుగా హీరో ఫస్ట్ లుక్ పోస్టర్ని కూడా రేపు రివీల్ చేయబోతోన్నారు.
అంతర్జాతీయ స్థాయిలో ఈ మూవీని ప్లాన్ చేసిన సంగతి తెలిసిందే. ఇక అల్లు అర్జున్ పుట్టిన రోజు సందర్భంగా సినిమాకు సంబంధించిన టైటిల్, పాత్రకు సంబంధించిన ఫస్ట్ లుక్ పోస్టర్తో అభిమానుల్ని అలరించనున్నారు. సరికొత్త సినిమాటిక్ వరల్డ్లోకి తీసుకు వెళ్లేలా ఈ చిత్రం ఉండబోతోందని టీం చెబుతోంది.
