Bheemla Nayak: పవర్ స్టార్ పవన్ కళ్యాణ్ సినిమా అంటేనే జనాలలో క్రేజ్ మామూలుగా ఉండదు అలాంటిది వకీల్ సాబ్ తర్వాత వస్తున్నా యాక్షన్ సినిమా భీమ్లా నాయక్ పై అంచనాలు తారా స్థాయిలో ఉన్నాయి. అందులోనూ ఒక పవర్ ఫుల్ పాత్రలో రానా దగ్గుపాటి చేయడం అంచనాలను మరింత పెంచుతున్నాయి. ఇప్పటికే భీమ్లా నాయక్ కు సంబంధించిన టీజర్లకు సోషల్ మీడియాలో వ్యూస్ భారీగా అందుకున్నాయి.
సూర్యదేవర నాగ వంశీ ఈ సినిమాను సితార ఎంటర్టైన్మెంట్ పై నిర్మిస్తున్నారు. సాగర్ కే చంద్ర ఈ సినిమాకి దర్శకత్వం వహిస్తున్నారు. కాగా త్రివిక్రమ్ శ్రీనివాస్ ఈ సినిమాకి మాటలు అందించడం విశేషం. త్రివిక్రమ్ శ్రీనివాస్ ఈ సినిమాకు మాటల వరకే కాకుండా డైరెక్షన్ ఎడిటింగ్ ఇలా అన్ని విషయాల్లోనూ దగ్గరుండి చూసుకోవడం విశేషం. దీని వల్ల కూడా ఈ సినిమాపై అంచనాలు భారీగా పెరిగాయి. సినిమాకి తమన్ సంగీతం మరొక ప్రత్యేకత. ఇప్పటికే తమన్ అందించిన టైటిల్ సాంగ్ ఓ రేంజ్ లో జనంలోకి దూసుకెళ్లింది. ఇక ఈ మధ్య వచ్చిన లవ్ సాంగ్ కూడా అందర్నీ కట్టిపడేసింది. ఇలా ఈ సినిమా కోసం ప్రేక్షకులు ఎంతో ఆతృతగా ఎదురు చూస్తున్నారు.
ఇదిలా ఉండగా భీమ్లా నాయక్ సినిమా ఫిబ్రవరి 25న విడుదల అవుతుండటంతో కొన్నిచోట్ల అడ్వాన్స్ బుకింగ్స్ కూడా మొదలెట్టేశారు. మామూలుగానే పవన్ కళ్యాణ్ సినిమాకి ఓవర్సీస్ లో భారీగా ఓపెనింగ్స్ వస్తాయి. భీమ్లా నాయక్ సినిమాకి కూడా ఇప్పటికే 100k డాలర్లు రాబట్టి నట్టు సమాచారం. దీంతో అడ్వాన్స్ బుకింగ్ లో ఇండియన్ మూవీస్ లోని మొదటి స్థానంలో ఉన్నట్లు లెక్క .ఇక ఒక మిలియన్ డాలర్ ఈ సినిమా తొందరగానే రాబడుతుంది అంటున్నారు.
ఇంకా ఈ సినిమా బాక్సాఫీస్ వద్ద వంద కోట్లకు పైగా ప్రీ రిలీజ్ బిజినెస్ చేసినట్టు, నాన్ థియేట్రికల్ గా 70 కోట్ల వరకు లాభాలను అందించినట్టు సమాచారం. మరి ఈ సినిమా అభిమానులు ఎంతవరకు అలరిస్తుందో వేచి చూడాలి.