Allu Arjun: ఐకాన్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబోలో వచ్చిన మోస్ట్ అవెయిటెడ్ మూవీ పుష్ప. వీళ్ల కాంబోలో వచ్చిన హ్యాట్రిక్ మూవీ ఇది. భారీ అంచనాల మధ్య నిన్న ఈ మూవీ రిలీజ్ అయిన విషయం తెలిసిందే. అయితే సినిమాకు ఏర్పడిన క్రేజ్ కారణంగా అన్ని వర్గాల ప్రేక్షకులు పుష్ప మూవీ కోసం తొలిరోజే పెద్ద ఎత్తున థియేటర్లకు క్యూ కట్టారు.
అయితే అనుకున్నట్లుగా పుష్ఫ అన్ని వర్గాల ప్రజలను ఆకట్టుకోలేదని తెలుస్తోంది. చిన్నచిన్న లోపాలు ఉన్నా బన్నీ ఫ్యాన్స్ కు మాత్రం ఈ సినిమా తెగ నచ్చేసింది. ఇక ఈ సినిమా విడుదలకు ముందే ఎన్నో సంచలనాలను స్పష్టించిన సమంత ఐటెం సాగ్.. ఊ అంటావా.. ఊఊ అంటావా మామా సాంగ్ మిలియన్స్ వ్యూస్ తో దూసుకుపోతోంది.
స్టార్ హీరోల ట్రైలర్స్ కు వచ్చే వ్యూస్ కంటే ఎక్కువగా వస్తున్నాయి. ఊర మాస్ తో ఈ సాంగ్ ను తెరకెక్కించారు. ఇలాంటి ఐటెం సాంగ్ చేయడం సమంతకు తొలిసారి కావడం విశేషం. అయితే మొదటి నుంచి కూడా ఈ పాట లిరిక్స్ పై వివాదాలు నెలకొన్నాయి. ఏపీలో పురుషుల సంఘం ఈ లిరిక్స్ అసభ్యకరంగా ఉన్నాయంటూ కోర్టు మెట్లు ఎక్కారు. వాటిని సినిమాలో తొలగించాలని డిమాండ్ చేశారు.
ఇక తాజాగా తమిళనాడు రాష్ట్రంలోని పురుషుల సంఘం సైతం ఈ పాట గురించి కోర్టు మెట్లు ఎక్కినట్టు తెలుస్తోంది. అయితే దీనిపై ఎట్టకేలకు బన్నీ స్పందించాడు. ‘ ఆ పాట లిరిక్స్ లో ఎలాంటి తప్పు లేదు.. ఇదే నిజం ’ అంటూ స్టేట్ మెంట్ ఇచ్చాడు. ప్రస్తుతం బన్నీ మాట్లాడిన వీడియో సోషల్ మీడియాలో రచ్చరచ్చ చేసేస్తోంది. ఇక బన్నీ అభిమానుల విషయానకి వస్తే సినిమాను సినిమాలాగా చూడాలని.. అనవసరమైన వివాదాలు కరెక్ట్ కాదని అభిప్రాయపడుతున్నారు.