ఈ మధ్యకాలంలో సినిమా సెలబ్రెటీల నుంచి మొదలుకొని సాధారణ ప్రజల వరకు టాటూలు వేయించుకోవడానికి ఇష్టపడుతుంటారు. ఇలా చాలామంది వారి పేర్లు లేదా వారి లైఫ్ పార్టనర్ పేర్లను లేదంటే వారి ఇష్ట దైవాల పేర్లను కూడా టాటూలుగా వేయించుకుంటూ ఉంటారు.ఈ క్రమంలోనే నటి రష్మిక మందన్న తన చేతికి ఇర్ రీప్లేసబుల్ అనే టాటూ వేయించుకున్నారు. అయితే ఆ టాటూ వేయించుకోవడానికి కారణం ఏంటి… ఆటాటు అర్థం ఏంటి అనే విషయాలను వెల్లడించారు.
తాను కాలేజ్ చదువుతున్న సమయంలో తన క్లాస్ అబ్బాయిలు అమ్మాయిలను చాలా తక్కువగా చేసి మాట్లాడారట. అమ్మాయిలు దేనిని భరించలేరని వారికి ఇంజక్షన్ కి కూడా భయపడతారు అంటూ కామెంట్ చేశారట. అయితే అది తప్పు అని నిరూపించడం కోసం ఈమె టాటూ వేయించుకున్నాను అని తెలిపారు. నిజానికి తనకు టాటూ అంటే ఏమాత్రం ఇష్టం లేదని కానీ అమ్మాయిలు ఏంటో నిరూపించడం కోసమే టాటూ వేయించుకున్నాను అని తెలిపారు.
ఇక చేతి పై ఉన్నటువంటి ఇర్ రీప్లేసబుల్ టాటూ ఎందుకు వేయించుకున్నాను అనే విషయం గురించి చెబుతూ మన స్థానాన్ని ఇంకొకరు ఎప్పటికీ భర్తీ చేయలేరన్న ఉద్దేశంతోనే ఈ టాటూ వేయించుకున్నట్లు రష్మిక తెలియజేశారు. ప్రస్తుతం తన చేతికి ఉన్న టాటూ గురించి రష్మిక చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.రష్మిక నటించిన వారసుడు సినిమా ప్రేక్షకుల ముందుకు వచ్చి మంచి విజయాన్ని అందుకుంది. ఇక బాలీవుడ్ ఇండస్ట్రీలో ఈమె నటించిన మిషన్ మజ్ను 20వ తేదీ విడుదల కానుంది.