కృష్ణంరాజు వారసుడుగా 2002లో “ఈశ్వర్ “చిత్రంతో హీరోగా పరిచయమైన ప్రభాస్ అచిరకాలంలోనే తనదైన ముద్ర తెలుగు సినిమా రంగంలో వేసుకున్నాడు . వర్షం , చక్రం, ఛత్రపతి ,యోగి, మున్నా, బిల్లా , మిస్టర్ పర్ఫెక్ట్, రెబల్, మిర్చి చిత్రాలు ప్రభాస్ ను హీరోగా నిలబెట్టాయి . ఇక బాహుబలి ఒకటి రెండు భాగాలు అతన్ని ప్రపంచ ప్రేక్షకులకు చేరువ చేశాయి .
2005లో సూపర్ సినిమాతో తెలుగు సినిమా రంగంలో హీరోయినిగా పరిచయమైన అనుష్క అరుంధతి , రుద్రమదేవి, భాగమతి సినిమాలతో హీరోయిన్లలో ఓ ప్రత్యేకత తెచ్చుకుంది . ప్రతిభావంతమైన నటిగా నిరూపించుకుంది . బాహుబలి సినిమా అనుష్కకు చెరిగిపోని కీర్తి సంపాదించి పెట్టింది . ప్రభాస్ తో కలసి మొదటి సారి బిల్లా సినిమాలో నటించింది . తరువాత మిర్చి సినిమాలో కూడా ప్రభాస్ పక్కన నటించింది . ఈ రెండు సినిమాల్లో వీరి మధ్య ప్రణయ సన్నివేశాలు బాగా పండాయి . వారి కళ్ళల్లో ప్రేమ భావన స్పష్టంగా కనిపించింది . ఇక బాహుబలి సినిమా ఈ ఇద్దరినీ సన్నిహితులుగా చేసిందని చెబుతారు . మూడు సంవత్సరాల పాటు కలసి ఉండటంతో వారి మధ్య వున్న అభిమానం ప్రేమకు దారి తీసిందని అంటారు . వారిదారి మధ్య బలీయమైన అనుబంధం ఏర్పడిందట .
ప్రభాస్ కు ఇప్పడు 38 సంవత్సరాలు కాగా అనుష్కకు 36 సంవత్సరాలు . మనసులు కలసిన ఈ ఇద్దరు జీవితంలో కలసి బ్రతకాలని నిర్ణయించుకున్నారని సన్నిహితులు . అనేక సందర్భాల్లో వీరి పెళ్లి వార్త ఫ్లాష్ లా రావడం , మళ్ళీ సైలెంట్ కావడం జరుగు వస్తోంది . ఈ వార్తలో నిజం లేదని ప్రభాస్ తరుపు వారు ఖండిస్తున్నా, ప్రభాస్ వివాహానికి గ్రీన్ సిగ్నల్ ఇవ్వలేదు , మరో అమ్మాయిని చేసుకుంటానని హామీ ఇవ్వను లేదు .
అనుష్క విషయలో మొదట్లో ఏవో ఒకటి రెండు పేర్లు వినిపించినా , ప్రభాస్ పేరే వార్తల్లో వుంది . అటు ప్రభాస్ పెళ్లి చేసుకోలేదు . ఇటు అనుష్క వివాహం చేసుకోలేదు . ఎందుకు వీరి పెళ్లి పీటలమీద వరకు దారి తీయడం లేదో వివరాలు మాత్రం తెలియడం లేదు .
అక్టోబర్ 23 ప్రభాస్ జన్మదినం . ఆరోజున తన పెళ్లి ప్రకటించే అవకాశం ఉందని వార్తలు వస్తున్నాయి . మనసారా ప్రేమించిన స్వీటీ (అనుష్క)మెడలో మూడు ముళ్ళు వేస్తాడా ? లేక పెద్దలు కుదిర్చిన అమ్మాయిని పెళ్లాడతాడా ? ప్రభాస్ కు కళ్యాణ ఘడియ ఎప్పుడో ?